外國調查：60歲係最後轉職機會

對打工仔來說，份工做得愈耐，愈易感到無聊和沉悶，因而產生轉工轉行嘅念頭。可惜有外國調查指，大部分人認為打工仔女嘅轉職時機都有期限。

據SeniorLiving.org一項新調查，共訪問了1102位受訪美國人。結果顯示，佢哋認為平均年齡大過60歲嘅人，想轉職開展人生嘅新事業，係為時已晚。換言之，60歲就係打工仔女轉職嘅最後機會。

  【相關搜尋】60歲長者優惠  

其實，唔同年齡層嘅人，對幾多歲先係轉職最後機會嘅想法，有啲出入。該調查指，受訪嘅年輕Y世代顯得較悲觀，普遍認為57歲已經係人生轉職嘅最後機會。

相反，年紀較大嘅一輩（Baby Boomers）從容得多，佢哋覺得轉職年紀嘅最後限期，比Y世代諗嘅57歲仲要加多10幾年時間。

如果換轉係你，你會認為幾多歲先係最後機會呢？

小編有朋友，45歲打份牛工，做到副主管，head住20個人，佢已經覺得悶都無得再轉，人生玩完。

做自己想做嘅事，本應無年齡限制，但現實係殘酷嘅，若有心轉行就應趁早。即使不幸失敗，愈早跌低，也愈易起身嘛。

來源：Ladders

===================

19網輕鬆爆料熱線，歡迎舉報老細同事19惡行，立即click入去講畀我哋知啦