外國調查：逾半打工仔相信 辦公室政治有助升職

工作狂之外，相信無咩打工仔女鍾意OT。但據人力資源管理平台Bridge by Instructure一項調查，訪問了逾1000位美國辦公室打工仔女，發現有78%受訪打工仔女真心認為，工作時間長啲，有助升職上位。

此外，亦有唔少人認為參與辦公室政治（53%）、工作以外嘅社交活動（50%），以及扮對老細所講嘅無聊事感興趣（43%）等，都會對升職頗有幫助。

調查又顯示，有45%嘅人幾滿意目前工作崗位；另有44%亦指與公司其他工作機會相比，都算滿意自己現時工作。

問及遇到工作壓力時會點做，有34%人選擇吸取咖排因抗壓，9%會食甜嘢，有7%更稱要食抗焦慮藥物。好彩唔少受訪打工仔女懂得健康減壓，當中有30%人會做瑜珈、運動或冥想；另有44%稱收工後關上工作用電腦，讓自己享受寧靜時光。

打工仔女點做先有得升職？其實好睇老細份人，有啲鍾意聽好說話、被奉承；有啲只重視員工實力。老套講句，個位唔係天跌落嚟，今時今日只靠實力好難上位，或者參考你身邊班高層，就知道上位之道了。

來源：PR Newswire

【相關搜尋】為升職加薪甘願與上司上床

===================

19網輕鬆爆料熱線，歡迎舉報老細同事19惡行，立即click入去講畀我哋知啦