外國調查:視老細為拍擋 打工仔增幸福感

唔少打工仔女都好怕上司,可能上司出名麻煩,或者覺得自己做細嘅無Say,有種任人魚肉嘅感覺。 想返工開心啲,就唔好將上司睇得太高,事關有外國研究指,視直屬上司為「拍擋」而非「老細」嘅打工仔女,對生活更加滿意。這是加拿大和韓國經濟學家透過Gallup-Healthways進行調查,經過好幾年時間,共收集了逾百萬個回應而得出嘅結果。

研究顯示,特別在20歲出頭至40多歲嘅年齡組別中,視直屬上司為「老細」嘅人,其生活滿意度嘅下降趨勢十分明顯;但視直屬上司為「拍檔」嘅人,其生活滿意度走勢較為平坦,顯然佢哋維持幸福感較前者強。

研究人員解釋,打工仔女步入中年,工作和家庭負擔日重,呢啲壓力令其幸福感大減;但若在工作中獲得上司支持,並建立長期穩定關係,則有助緩解這些壓力。老實講,上司肯同你有商有量,打工仔女受少好多冤屈氣,心情當然舒暢多,只不過有幾個老細肯咁做啊? 來源:The Washington Post

【相關搜尋】下屬同上司做appraisal

===================

19網輕鬆爆料熱線,歡迎舉報老細同事19惡行,立即click入去講畀我哋知啦