Yahoo 行動版

29人追蹤

內地當局出手 量子波動速讀班被禁

早幾個月都報過呢單,就係有網上短片示範中國內地流行嘅

「量子波動速讀班」。

睇片所見,一班學生拎住本書快速揭揭下,就話睇晒成本。

甚至蒙住眼都睇到!

據講有人可以幾分鐘睇晒幾百頁嘅小說,仲要係記到重點,

成件事好神奇。

呢啲令仔女變神童嘅技倆,自然深得家長歡心。

當然,由於太神奇,唔少人都覺得應該係騙局。

內地網民直情話俾錢學呢樣嘢係俾緊「智商稅」。

有KOL以身試法走去學,發覺根本冇效!

終於內地當局要出手嚴打,《人民日報》報導,針對近期部分無辦學許可機構以「量子波動速讀」「全腦培訓」等為名,向中小學生違規開展培訓嘅問題,國務院教育督導委員會辦公室日前發布《國務院教育督導委員會辦公室關於幾起校外培訓機構違規開展培訓查處情況的通報》(簡稱《通報》),進一步強化警示作用,推動校外培訓機構規範發展。

簡單講句,即係要禁。同文亦都列出幾間以教授呢類速讀法嘅機構,

以「無辦學許可」等理由,約見負責人。

好喇,「量子波動速讀」相信好快就會消失。

然後又會有新一門「神技」等緊各位家長打開銀包……

原文傳送門