黃子華賣樓拍戲 豁出去了

.
.

講樓市金句王,黃子華這名行外人江湖地位可能遠勝施永青,講得少而精闢,1994年一句再唔買樓,你遲也只能做300呎富豪,「再遲啲係100呎富豪」,揶揄香港人遲早,只能買廁所一格階磚,最後一語成讖。

日前已淡出棟篤界的他因為一部戲忽然重提物業,又牽起話題。

話說子華新戲《乜代宗師》將於賀歲檔上映,這部戲由片名到劇照都略有過時感覺,加上子華對上一齣戲風評一般,不少子華粉絲都坦言有時間未睇下甚至都係諗諗。想不到因為這部戲在深圳取景被網民列入罷睇名單,令子華要現身拍片解畫澄清這部並非合拍片,他更自爆今次係「賣樓拍戲」( 雖然唔係自住樓),並表示全行都認為自己係傻佬,賣樓拍戲逾九成機會係輸。

如果大家有跟開子華的買賣記錄,都知道子華買賣物業不多,根據報道可說是一隻手都數得晒,例如1997年以236萬買入、2007年以280萬賣出的自由道,又例如2013年以2438萬元入手的北角雲峯大廈單位等等。

雖然與他多棲發展的事業相比,物業買賣靜很多,但其實每次決定形式一點也不保守,例如有指上述的雲峯單位,當年就是一炮過買入,更有指他本來有過何文田文星樓「愛巢」,結果將物業「送給對方」。

.
.

曾經滄海難為水,近年已很少關於子華買賣物業的新聞。折射出的心態有點像他以前擁有過法拉利,但後來已轉駕Audi ,據說是子華想過低調生活,「曾虛榮過」就可以,買樓亦應一致。

隨著子華自棟篤界引退,本來都逐步應驗了他自己說的「最冇風險嘅事係等死」, 有錢人都一定要死,殊不知突然自爆為自由自在創作「賣樓拍戲」,以他物業少而精的往積,就算前年報道,子華擁有物業應該不多過3個,「賣樓拍戲」可說是豁出去了。

他昨在facebook直播時坦言:「我冇諗過賣咗層樓,可以幫到我買多一層樓,基本上以我現在呢個budget係冇可能可以返到本,甚至乎我賣咗呢層樓,佢有冇可能返番間房,或者一個水龍頭,唔緊要,但我可以自由自在拍呢套戲!好唔好睇,點知啫,但起碼我忠於自己。」(下圖)

.
.

想過賣自住樓

更重要的是,他曾想過在香港取景拍戲,考慮過不如連自住樓都賣埋,只是後來發現「點都唔夠錢」,才決定在深圳取景。

當然,大家都知道假如子華肯復出棟篤笑,以門票在場外被炒貴15倍的吸引力,保持高收入熱錢不成問題,如果樓市長遠睇跌,賣完樓最多買返,但子華神向來都講原則,不是經常復出演唱的歌神,加上香港社會氣氛轉趨嚴肅,而棟篤笑與演唱會的形式相比,本身就很難「復出」講冷笑話,所以亦自然想像得到,子華賣樓主動蝕錢,在投資決策上「肯輸」的勇氣到底會有多大。

===============

精選資訊網站「中環街市」 臉書粉絲頁