【男人最痛】當你幾個上司都係女人

數到男人最痛,一定係打份工而全部上司都係女人。

人生有超過一半時間都係返工,其餘唔夠一半時間對住阿媽同老婆,即係代表你人生幾乎全部時間都用晒來應付女人,呢種感覺只有職場上嘅男人先會明。

小編有朋友正係遇到呢個情況,因為佢係職場食物鏈的中層,對上仲有4個上司,但呢4個上司全部都係女,而且各有性格。

第一位上司:份人好安全,好鍾意做多嘢俾老闆,老闆冇叫做佢都做咗先,務求拎足101分。不過佢緊係唔係自己做,而係叫下屬做,即係小編朋友果個位。

第二位上司:份人好醒,唔中意做多嘢,所以本身唔中意其他人做多嘢,所以會要求大家按本子辦事。喺佢眼中,做多唔係叻,而係蠢同多餘。就算你做多俾佢,佢都寧願唔要,扮冇見過。

第三位上司:一個字「煩」,一日可以搵你20-30次追問進度。其實只係應你機都已經用晒時間啦,仲邊有空間做嘢呀!

第四位上司:鍾意玩失憶,講過唔認數,又會翻舊帳,一啖砂糖一啖屎!

所以話,屋企對完都唔夠,返到公司仲要做埋職場「韋小寶」,呢份工認真難做呀!

===================

19網輕鬆爆料熱線,歡迎舉報老細同事19惡行,立即click入去講畀我哋知啦

【相關搜尋】最難頂的中年單身女上司