世界盃32隊 哪個國家經濟實力最強

世界盃快將開鑼,繼前排有人討論點解中國經濟咁強都踢唔到世界盃?最近外國有篇文章揭露,其實國家有錢同隊波叻唔叻,係有啲關係。

根據外國網站businessinsider歸納,32隊國家隊,依國家GDP排名十大如下:

1.日本:4.8 兆美元

作為世界第三大經濟體,但好多球迷都話,日本應該連小組都出唔到線。

2.德國:3.6 兆美元

傳統強國捧盃大熱之一,不過食粥食飯,要睇湯馬士梅拿有無態。之前瑞銀有份報告,話德國最有可能捧盃,但因為當中竟有已出局的意大利隊,令可信程度大減。

[caption id="attachment_32719" align="aligncenter" width="755"]

仿製的FIFA World Cup Trophy[/caption]

3.法國:2.5 兆美元

如果根據球員身價排序,法國隊更加係以10.8億歐元居首位。今年隊波平均年齡26歲,解決咗青黃不接嘅問題,分組賽3隊都係黑馬,目前係捧盃大熱。

4.巴西:2.05 兆美元

成日話南美窮小子踢出世界,但其實新興市場中,如果單論GDP,巴西都排到第四。

[caption id="attachment_32717" align="aligncenter" width="705"]

馬些路[/caption]

5.南韓:2.03 兆美元

2002年世界盃,南韓竟然拎到第四,但睇近日熱身賽成績,就有啲強差人意。有分析認為其仿歐洲踢法「四不像」,出線機會渺茫。

6.英國:2.02 兆美元

英格蘭出征之前,英國皇家空軍出動7架戰機送行,但就算咁霸氣,都改唔到今屆無乜星嘅事實,之前比利時隊長、車路士球星夏薩特,甚至預測比利時將會淘汰英格蘭奪得冠軍。

[caption id="attachment_32708" align="aligncenter" width="698"]

英國皇家空軍出動7架戰機送行[/caption]

7.伊朗:1.6 兆美元

美國同伊朗關係緊張,因為國家被制裁,伊朗球員連Nike都無得著,要落街買。且睇睇亞洲「一哥」伊朗班球員無Nike,係咪就射唔入摩洛哥、西班牙同葡萄牙大門。

8.俄羅斯:1.5 兆美元

今屆可謂史上最弱名單,大部份係本土搵食球員。依主辦國通常蝕錢嘅往績,今屆俄羅斯隨時財、獎兩空。

9.澳洲:1.37 兆美元

澳洲GDP主要來自於電訊、銀行同製造業,與足球無關。今屆最影響澳洲隊的是政治多於經濟,因為澳洲一早講明抵制俄羅斯,唔會以官方名義派隊。雖然最終都係會踢,但在C組實力都係較弱,加上國家取態如此,真係唔敢包會唔會hea踢。

10.西班牙:1.3 兆美元

即使國家實力排名不算高,但今年同樣是捧盃大熱。西班牙主帥盧柏迪古,最新宣佈會成為皇馬教練。

其餘22隊,依GDP排名分別是墨西哥、沙地、瑞士、阿根廷、瑞典、波蘭、比利時、尼日尼亞、丹麥、哥倫比亞、埃及、葡萄牙、秘魯、摩洛哥、巴拿馬、烏拉圭、哥斯達黎加、克羅地亞、塞爾維亞、突尼西亞。排最尾的突尼西亞,國家GDP,只有400億美元。

根據早前英國《鏡報》的世界盃32強隊伍實力名單,前三名分別是德國、西班牙、巴西,阿根廷排第四、葡萄牙第六、法國第五,依此看來,除咗葡萄牙之外,其他5隊勁旅,國家本身都打入十大GDP名單。

[caption id="attachment_32720" align="aligncenter" width="535"]

有球迷表示,只要不是C朗捧盃就行了。[/caption]

至於中國咁有錢都入唔到圍,日前《經濟學人》都有解釋過,中國最致命嘅係足球普及率低;據國際足聯數據,歐洲和南美一般都有7%,但中國人只得2%踢波。

習總願望係有朝一日,中國人可以贏到世界盃,而事實上,今屆不少世界盃的紀念品都係Made in China,中國除了國家隊外,很多中國的東西都去了俄羅斯。

之不過,如果經濟實力都係贏波條件之一,咁除非中國未來幾年會「支爆」,否則以中國的經濟實力,遲早有機會贏世界盃

===============

財經精選資訊網站「中環街市」 臉書粉絲頁