早幾日《東張西望》跟進緊一單家庭糾紛,76歲嘅事主何伯結識43歲內地女子,識咗個幾月就發生關係並決定閃婚。何伯對何太好疏爽,送上鑽戒兼名錶之外,認識一個月就想聽從何太指示拎100萬出嚟搞生意。何伯本來想提取一筆定期存款俾何太,但後來發現何伯細女已經將同老父聯名戶口內嘅450萬以本票形式提取。而何伯五名仔女都認為後母有騙財之嫌,但係老豆「為愛堅持」搞到反面!