連續5個星期唔講大話 身體會產生異變？

講大話，似乎係人類嘅天生技能，就算一啲小朋友，都會好自然咁用大話去掩飾真相，所以由細到大，父母都要後天去教導佢哋要誠實，唔好成日講大話。講大話係無可避免，但如果強迫自己只能講真話，身體會點樣回應呢？

美國聖母大學心理學系做咗一項研究，搵嚟72位成年人，分為兩組，其中一組被指明，接下來嘅5個星期必須全程講真話，無論事情大小及嚴重性，都一律唔可以講假話。5個星期之後再對比兩組人嘅身體狀況，發現講真話嘅人，比起5個星期前更健康，無論係頭痛、噁心、喉痛等症狀都完全消失，可以話成個人都元氣十足。心理狀態上都一樣，緊張、焦慮、不安等情緒都無晒！不過都提示各位男士，對住女伴，有時太老實都唔一定係好事，小心小心。