雅虎香港新聞 【元宵猜燈謎】元宵唔係食湯圓？元宵湯圓原來大有分別
每年舊曆二月十五日就係元宵佳節，代表人月兩團圓；每年習俗就係要賞花、猜燈謎同埋食「湯圓」。元宵又名「上元節」、「元夕」、「春燈節」等，作為「新年」嘅最後一日，係代表今年第一個圓月夜，所以先會有花燈、賞月賞花等。以下幾個比較特別嘅燈謎，你估唔估到呢？（答案於文末揭曉）
猜食物：
金一桶，銀一桶，打得開，關不攏
麻屋子，紅帳子，裡面睡個白胖子
一頭實，一頭空，一頭白，一頭青
猜動物：
地裡走，溝裡串，捎著針，忘了線
骨頭骨腦骨眼睛，骨腳骨手骨背心
南陽諸葛亮，穩坐中軍帳，擺起八卦陣，單捉飛來將
原來元宵並非食湯圓？
好多人都以為元宵係食湯圓，代表人月兩團圓，但原來元宵真正要食嘅係「元宵」，係一種好似湯圓嘅傳統食物，故有謂「元宵食元宵，冬至食湯圓」。元宵並非湯圓，雖然兩者都係用糯米造，但元宵制法係用「滾」並非「搓」，滾動咁張沾滿粉嘅餡一邊灑上水，來回滾好多次，就會沾滿糯米粉而且變成一粒大圓球。元宵皮薄，咬起嚟皮會變成糊狀，無湯圓咁完整。
答案：
金一桶，銀一桶，打得開，關不攏—蛋
麻屋子，紅帳子，裡面睡個白胖子—花生
一頭實，一頭空，一頭白，一頭青—蔥
地裡走，溝裡串，捎著針，忘了線—刺蝟
骨頭骨腦骨眼睛，骨腳骨手骨背心—螃蟹
南陽諸葛亮，穩坐中軍帳，擺起八卦陣，單捉飛來將—蜘蛛
相關文章：
