賀歲劇《丫鬟大聯盟》讓路 無綫安排《皓鑭傳》2月出街

image

內地劇集《延禧攻略》爆紅掀起中港台熱潮,製作人于正食住個勢再推出新作《皓鑭傳》,用返《延》班底演員去演出,主角都係「魏瓔珞」吳謹言同「乾隆」聶遠,二人換個時空再續前緣。原定上年11月播出,後來無端端延播,直到近日愛奇藝就宣布《皓鑭傳》將於1月19日首播,馬上引起網民熱烈討論。

image

可能無綫見《延禧攻略》咁收得,立即安排《皓鑭傳》喺二月四日緊貼播放。不過原定喺二月播放,由黃心穎、湯洛雯、洪永城、謝東閔等主演嘅賀歲劇《丫鬟大聯盟》就要讓路啦。

image

又做內地長篇宮鬥劇,網民反應都好極端,有網民非常期待,亦唔少網民都話咁辛苦捱完一套,咁快又播新嘅。

唔知《丫鬟大聯盟》會唔會要等到下年新年先播呢?