Yahoo 行動版

130人追蹤

81歲余慕蓮一生不嫁因童年… 熱心慈善不惜捐身家助人!

東方新地 - 娛聞

現時81歲嘅余慕蓮人稱「魚毛姐」,雖為甘草經常扮演醜角,但魚毛姐為人心地善良,閒時做義工及善事。然而,不婚不育嘅魚毛姐一直因一個原因而決心一生唔婚嫁!

撰文:東方新地|圖片:新傳媒圖片庫、電視截圖、Facebook

延伸閱讀:

梁裕恆再爆某男星想夾女藝人上房 網民:開條契弟名啦!

神算王梓軒再發功 玩轉高難度數學問題 森美:「全港小學生都答唔到!」

81歲余慕蓮唔介意做醜角

余慕蓮將人生奉獻俾演藝事業,而最為人熟悉相信都離唔開醜角或「垃圾婆」,但魚毛姐好鍾意表演,認為咩角色都要有人做,所以佢一啲都唔介意。

余慕蓮
余慕蓮
余慕蓮
余慕蓮

喺香港影圏足足70年嘅魚毛姐演出超過二百套電影及電視劇,但從來唔奢望爭做女主角,反而淡薄名利,本住入行就係為娛樂大家嘅心,演出所有角色。

一生不嫁因童年…

魚毛姐小時候經歷父母離婚,童年缺乏家庭溫暖長大下,令佢一直唔敢相信愛情。1995年,魚毛姐與「銀幕探長」曹達華爆出戀情,但佢一直堅決否認指:「我不會給人機會,亦不給機會自己。小時候做戲院帶位的時候都有追求者的,我又不會對他們有好感,做朋友就無所謂。我怕投入了一段感情之後,變成一個容易受傷的女人。」

然而,過住獨居生活嘅魚毛姐人緣卻相當好,身邊有很多朋友,閒時更會與友人到羅湖唱粵曲,有時又會去游水,更經常做慈善工作,幫助有需要嘅人。

不惜捐出身家

10幾年前,魚毛姐已將電視台頒贈嘅一筆約20幾萬長期服務金,部分捐去內地貴州興建一間小學,只望山區小朋友唔使再每日長途跋涉上課讀書!加上,自己冇結婚及冇下一代,所以更加希望能幫助有需要嘅小朋友,令佢哋有更好將來!

余慕蓮年青時相片
余慕蓮年青時相片

魚毛姐離開咗TVB多年,依家半退休嘅生活中,主力接散工,例如上內地拍網劇、接騷等。最近,ViuTV新劇《詭探前傳》中,魚毛姐飾演嘅「媽姐」有別於以往只做啲行行企企角色,但就表示自己年事已高,已經唔會捱更抵夜拍劇。

較重視心靈上快樂嘅魚毛姐曾向好友透露最好就係於睡覺中安樂咁離世,並將自己所有財產捐俾慈善機構,難怪人人都話余慕蓮一啲唔醜,皆因心美。

延伸閱讀:

【終極反擊】程美段公開錄音檔力證遭拖糧 杜汶澤網台出聲明跪低道歉