Yahoo 行動版

640人追蹤

陳詩欣整裝待發 唔想畀人取代

東方日報
單身的陳詩欣雖然想拍拖,但未遇上「對的人」。
單身的陳詩欣雖然想拍拖,但未遇上「對的人」。

無綫節目《3日2夜》女神陳詩欣(Eunice),已先後拍了5輯節目,最近獲無綫安排加入《學是學非》做「是非精」主持,她坦言很開心:「畀份大禮物我!」由於她是《學》的新丁,故非常緊張:「節目裏面好多師姐好勁,企喺佢哋隔籬,我完全係妹妹學嘢,兩個節目性質好唔同,覺得學到好多嘢。」

變得獨立

唱歌出身的她坦言以前轉數不夠快,口才又唔叻,但主持節目後慢慢得以改進:「依家應變能力好咗,口才要再努力啲。」她承認以前好多事要靠經理人及家人幫手,加入無綫後變得獨立:「好似被一個朋友呵護住,乜都幫你安排晒。經過幾年訓練,我嘅自理能力高咗、獨立咗。」

去年推出一首單曲的Eunice坦言有唱歌癮,但會等合適時機再做歌手,對拍劇或電影亦感興趣:「以前細個做嘢好心急,但依家發覺心急係冇用,會準備好自己一步步咁行,咁樣會紮實啲,唔想人哋話『陳詩欣呀?冇所謂啦,可以搵第二個取代』,我真係好想做到一個位,令人諗起呢個角色或呢首歌而搵陳詩欣。」

恨嫁的心

單身的她去年在Super Girls成員Jessica婚禮上搶花球失敗,問到是否恨嫁?她笑言:「恨嫁(口架),但要搵到對象先。」經常做「空中飛人」的她忙個不停,她說:「我好鍾意做嘢,呢刻會以事業為先,因為試過冇機會,所以一有機會會好好把握,做好啲工作,拍拖嘅嘢隨緣啦!」

陳詩欣好想拍劇,接受更多挑戰。
陳詩欣好想拍劇,接受更多挑戰。
做主持後,陳詩欣轉數比以前快。
做主持後,陳詩欣轉數比以前快。