《這個殺手不太冷》導演新作 名模化身地表最強女殺手Anna

法國導演洛比桑(Luc Besson)又有新作,導演似乎對強勢女人情有獨鍾,由以往《這個殺手不太冷》、《第5元素》到上一部作品 《LUCY:超能煞姬》都不乏好打得又有智慧嘅女角,今次新作Anna都唔例外!

Anna有啲似《紅雀特工》溝黑寡婦再溝《特務狂花》,故事由一名神祕女子喺餐廳殺光在場嘅黑道人物,雖然被補但場內監控鏡頭無一拍攝到行兇過程,只係影到佢行入餐廳。無証據下,警方無奈放人!

lol
lol

原來Anna縱橫黑白兩道,出親任務次次單人匹馬,永無虛發,成為世界最強刺客!美麗嘅外表、異常厲害嘅身手,Anna搵命搏出行動嘅背後隱藏住咩驚人秘密?

同《LUCY:超能煞姬》唔同,Anna無超能力只有好身手,動作場面相信係電影精粹,睇預告片動作場面夠爽快仲幾刺激。《殺手John Wick》用枝鉛筆殺人,Anna都好強,一條女用隻碟都搞得掂成班揸槍大漢!

lol
lol

今次女主角搵嚟零演戲經驗嘅俄國超模Sasha Luss擔任,5呎10嘅身高加冷艷嘅外型做打女好有說服力,導演仲搵埋英國影后Helen Mirren同《潛行凶間》Cillna Murphy旁住,分別飾演Anna上司同警探,而特務片一定出現嘅香豔情慾場面則由《美女與野獸》Luke Evans負責。

希望Anna可以成功建立最強女殺手品牌,發展成為系列作品,唔駛下下俾班男士專美!想提提大家,電影場面係虛構,現實無人可以手無寸鐵單人匹馬隊冧成隊人,就算好打得如Anna,5個佢加埋都未至於打到變暴動!