Yahoo 行動版

1,545人追蹤

衛詩雅唔敢再拍鬼片

東方日報
電影煞科一段時間,衛詩雅依然覺得唔對路,怕怕喇!
電影煞科一段時間,衛詩雅依然覺得唔對路,怕怕喇!

衛詩雅與林德信昨午到深水埗宣傳新片《雙魂》,詩雅坦言拍攝途中「撞鬼」,短期內不會再接拍同類電影:「我本身算大膽,但拍完套戲返香港兩、三個月,感覺都仲好唔舒服。戲中有個道具洋娃娃,我曾經想帶佢返香港,但跟場嘅茅山師傅話佢裏面有啲『奇怪嘢』,所以作罷,點知今日嚟到現場,先知劇組帶咗佢返嚟。(覺得同早幾日身體突然出現過敏有關?)唔敢諗,不過嗰日唔舒服前落過街燒衣,依家想搵醫生做敏感測試。」

林德信則透露小時候父親林子祥經常叫他睇鬼片:「睇完驚足半年。(今次請佢睇?)我每次拍戲,佢都會同朋友買飛捧場。(父子檔拍戲?)有機會絕對考慮,好難得可以同屋企人喺電影方面交流,不過爸爸要求好高。」

林德信相信父親會買飛捧場。
林德信相信父親會買飛捧場。