菊梓喬唔當吳若希係勁敵

菊梓喬表示會以平常心面對獎項。
菊梓喬表示會以平常心面對獎項。

「星夢一姐」菊梓喬的「宿敵」吳若希預告缺席勁歌頒獎禮,令她爭取3連霸「最受歡迎女歌星」少了1個勁敵,她則說:「佢唔係勁敵,係前輩。」

菊梓喬昨日與戴祖儀、谷婭溦等在將軍澳電視城出席《慈善星輝仁濟夜》記者會,她指疫情下過去一年好像是消失的一年,慨嘆連人工也消失。問到過去一年是否零收入?她說:「入不敷支呀,接近零收入,好多工作都延期到今年。(勁歌金曲『最受歡迎女歌星』有信心3連霸?)平常心,自己係好被動嘅人,冇特別去做乜,不過,原來上年都出咗8首歌。(贏硬唔使拉票?)唔係!量多唔一定贏,要重質重量。(吳若希忙湊仔缺席,少個勁敵?)唔清楚,佢唔係勁敵,係我前輩,都希望佢唱多啲歌。」

戴祖儀唔敢攞偶像電話

戴祖儀近日上載與韓國男團2PM泰國成員Nichkhun見面的合照,她笑說:「我依家個心、靈魂、精神都已經喺首爾,佢係我兒時嘅偶像,鍾意咗佢10年,佢今次嚟香港拍荷里活電影竟然見到佢,仲可以同佢傾偈、合照,佢仲Follow咗我嘅社交網,返到屋企真係喊咗出嚟!(有冇問佢攞電話?)唔敢!唔想表現得太過猖狂,但係有跳舞畀佢睇,佢怕醜過我。」她笑稱一通關會與馮盈盈一起到韓國追星。

另外,提到台慶頒獎禮上馮盈盈將谷婭溦主唱的《哭牆》錯講為譚嘉儀所唱,谷婭溦說:「冇嬲,知佢好唔開心,好多人鬧佢。(做《仁濟》司儀嘅盈盈唔敢嚟呢個記者會?)冇可能,可能驚再講錯我個名啩,哈哈。」

吳若希(右)預告缺席勁歌頒獎禮,菊梓喬少咗個勁敵!
吳若希(右)預告缺席勁歌頒獎禮,菊梓喬少咗個勁敵!
戴祖儀
戴祖儀