Yahoo 行動版

116人追蹤

細說張繼聰、謝安琪12年的愛情故事 娛圈模範夫婦攜手跨過難關

東方新地 - 娛聞

圈中有很多對恩愛夫妻,但不得不提一定是張繼聰謝安琪這一對,更有人在討論區中發表一帖文「謝安琪同張繼聰真係好出色」,即起熱烈討論。張繼聰和謝安琪由出道以來不斷受到外界抨擊,女的則被數「整容」、「跟陳奕迅鬧緋聞」;男的則被數「廢柴老公」,二人多年都傳出婚變的消息,中途更不堪壓力一同患上抑鬱症。雖然彼此都曾受外界不斷狙擊,但最終都攜手跨過難關,成模範夫婦!現在就跟大家一起回顧他們的愛情故事啦!

原文:Kammy-SundayKiss|圖片:新傳媒圖片、謝安琪IG張繼聰IG

延伸閱讀:

【安心偷食】父母冇眼睇姊妹藐爆 黃心穎死𦧲馬國明回收

陪產見證十級痛 陳展鵬擱置追仔大計

張繼聰謝安琪 奉子成婚受外界批評

張繼聰與謝安琪(Kay)同是恩主教書院讀書,其後二人都選擇於2005年加入樂壇做歌手,張繼聰更主動出擊,問謝安琪得電話後,便約她看電影。張繼聰接受訪問時笑說,當時看的第一套電影便是「藉著雨點說愛你」!不過當時初踏足樂壇的Kay是樂壇明日之星,憑歌曲《姿色份子》一炮而紅;相反,張繼聰的名氣卻遠遠比不上她,地位懸殊。

二人出道初期,Kay被視為樂壇明日之星,但張繼聰的名氣卻遠遠比不上她。
二人出道初期,Kay被視為樂壇明日之星,但張繼聰的名氣卻遠遠比不上她。
謝安琪
謝安琪

2006年11月,謝安琪突然宣布懷孕3個月,二人奉子成婚,Kay更因而暫別樂壇。不少人一邊直指張繼聰拖累謝安琪,為他冠上「謝生」、「廢柴老公」之名,更有人抨擊謝安琪身為基督徒卻未婚懷孕。最終,Kay公開道歉,承認不論在信仰上,或是作為年輕人偶像都確實犯了錯。其後,二人於翌年結婚,並誕下兒子張瞻(James)。

結婚初期 「天后」謝安琪搬到男家住屋邨

謝安琪產後復出,其音樂事業一帆風順,當年一首《囍帖街》更為Kay橫掃各樂壇頒獎禮的重要獎項,令他好快榮升天后級歌手。不過,據知結婚初期,張繼聰的收入相對較不穩定,謝安琪並沒埋怨,反而搬到跟男家一起住屋邨幾年。後來,二人才搬到大埔村屋,到現時的比華利山私人屋苑。

受外界狙擊 齊患抑鬱症

謝安琪事業上高峰,但負面新聞亦隨即而來,謝安琪被指整容上癮,其後又被傳媒炒作謝安琪和陳奕迅的吹水緋聞,加上事業上的各樣壓力,令謝安琪被困於抑鬱症之中。作為老公的張繼聰,一直被指「女尊男卑」,令他同樣被病魔所影響。

好老公
好老公

張繼聰曾在自己專輯《5+》的Hidden Track中表示,自己在2007、2008年左右患上抑鬱症,更指自己本身是個很正面的人,但到這一刻卻什麼問題都解決不了:「個時好驚行過啲報紙檔,好怕又喺封面上見到自己,關於我屋企人嘅報導。」

謝安琪
謝安琪

張繼聰曾表示,有一晚他獨留在家,突然有輕生念頭,更已經打好遺言給最好的朋友:「我真係冇辦法,我頂唔住。」幸好,張繼聰突然醒覺,最終沒有了結生命,更由這天開始對生命有另一番體會,並跟太太一同走過抑鬱症的陰霾,令二人關係更進一步。

謝安琪
謝安琪

努力工作終捱到發達

Kay多年來事業都處於高峰,更獲選香港十大傑青。張繼聰亦沒有氣餒,繼續做好自己,加入TVB拍電視劇,一劇接一劇,2015年更於劇集《收規華》中首次擔正做男主角,成為一線小生,精彩演出而大獲好評!加上拍攝各大廣告及電影,出鏡率不遜於太太,最終成功搣甩「廢柴老公」之名,人氣甚至超越太太謝安琪。

謝安琪
謝安琪

謝安琪揚言做全職奶媽

其後,Kay於2017年生囡囡張靖時,張繼聰更令太太可以完全放下工作,安心養好身子,Kay揚言要做全職奶媽,實行無了期停工湊女:「真係擺低工作,以家庭為先,只要睇住小朋友開心就乜都值得!」現在,他們閒時就同家人一起外遊,一家四口樂也融融。

15288716_1146592768771009_2109631215646389607_o
15288716_1146592768771009_2109631215646389607_o

老婆被網民惡意攻擊 為妻挺身而出

二人由公開關係,到結婚生子,以及事業上都屢受抨擊。謝安琪周不時被外界質疑整容,言論還相當不留情面!見網民攻擊愛妻,一向大方的張繼聰亦不禁發長文回應,他表示:「香港有言論自由,可惜未必每位朋友都有尊重別人嘅修養。我好少放係心,不過講我太太,我就講幾句,太陽係喺東邊升起,係唔需要証明,又唔駛討論,因為係事實。就好似我覺得我太太有幾靚一樣!」阿聰的言論於開首已很有大將之風,絕對是「傑出關公」的示範!

2016年,當謝安琪完成兩場個人演唱會,正式展開一年暫別樂壇的生涯。張繼聰上載了和太太的合照表示支持,不過卻有一位網民「挑機」,指謝安琪的樣貌有點假。結果張繼聰留言「反擊」!其他網民大讚man爆!

L2K
L2K

奇招氹妻 確定「好老公」形象

今年情人節,Kay同張繼聰講唔想要任何物質嘢,只係想要一份過咗好多年之後都仲記得嘅禮物。依個難題又點會難倒一向鬼馬嘅張繼聰,佢於是帶咗Kay去尖沙咀海旁,問正在表演嘅年青人借咗支結他,即場自彈自唱情歌《每天愛你多一些》俾Kay聽,引來一大班途人圍觀。

謝安琪
謝安琪

睇吓Kay笑得幾開心!

謝安琪
謝安琪

張繼聰仲留言話:「老婆話唔要d物質禮物,但係要難忘嘅冧豬嘅幾十年後都記得嘅🍃 於是我帶佢去海旁,問班年輕人借咗d架生…… 講都無人信,仲要撞到Endy同阿嫂 😂 氹老婆嘅嘢,梗係搵啲志同道合嘅人一齊啦(主要係互相拍片😂)P.S.十分感謝借樂器比我地嘅年輕人s😘🙏🏻打攪晒😅🙏🏻」真係一個好老公呀!

好老公
好老公

《做d顛嘢系列》 . . 老婆話唔要d物質禮物,但係要難忘嘅冧豬嘅幾十年後都記得嘅🍃 於是我帶佢去海旁,問班年輕人借咗d架生…… . . 講都無人信,仲要撞到Endy同阿嫂 😂 氹老婆嘅嘢,梗係搵啲志同道合嘅人一齊啦(主要係互相拍片😂)P.S.十分感謝借樂器比我地嘅年輕人s😘🙏🏻打攪晒😅🙏🏻 . . #唱得唔好都冇得介意🤣 #好耐冇試過 #邊唱邊淆 #誠意搭夠 #退咗役係咁上下😝 #Endy真係好正😍 最後最後 , @kaytse #每天愛你多一些❤️ #happyvalentinesday @endychowjaugwokyin

A post shared by 張繼聰 Louis (@louischeung2013) on Feb 14, 2019 at 8:19am PST

經典回顧 – 張繼聰:就算時光倒流幾多次,我都會娶你做老婆

2007年,當年張繼聰謝安琪兩夫婦剛成為父母,承受著各方面的壓力,二人更先後患上抑鬱症,不過反而令二人關係更進一步。同年,張繼聰在音樂頒獎禮上奪獎,更向Kay講了愛的告白:

「最後,我想多謝我太太,同埋我個仔。……喺過去嘅一年,我聽過好多祝福嘅說話,都聽過好多,好難堪嘅說話。我記得有一晚,我睇住我太太瞓覺,係一個好大壓力嘅晚上,我好難過。我唔知我可以講乜嘢說話去安慰佢,但我同我自己講,我一定好好照顧我太太,照顧我個仔。就算時光倒流幾多次,我都會娶你做老婆。我愛你。」

張繼聰:就算時光倒流幾多次,我都會娶你做老婆
張繼聰:就算時光倒流幾多次,我都會娶你做老婆
Kay聽到十分感動
Kay聽到十分感動

延伸閱讀:

周華健29歲混血兒子加入影圈 網民:靚仔到不能呼吸!