導演鄧衍成病逝 陳煒:好唔捨得佢走

陳煒指鄧衍成看似嚴格,其實很錫演員。
陳煒指鄧衍成看似嚴格,其實很錫演員。

麗的電視出身、有「香港罪案題材電影」第一導演之稱的鄧衍成,前日因病離世,終年69歲。邵氏劇集《飛虎之雷霆極戰》成為他的遺作。據知他健康之前出現問題,曾患鼻咽癌,而他上月有出席與劉松仁、米雪和一班導演的聚會,當時精神不俗。

鄧衍成的太太Judy在社交群組公布丈夫離世一事。曾跟他合作的張文慈表示:「希望佢家人唔好太傷心,會為佢祈禱,之前已聽過佢身體不太好,所以有心理準備。」陳煒則說:「聽到消息好唔開心,佢係一個工作時候好嚴格嘅導演,同佢開工冇人夠膽偷懶,佢係太陽之子,佢出外景幾大雨都會停雨,雖然佢好似好惡,但其實好錫演員,好唔捨得佢走,同佢合作過一部電影同三部電視劇!」

鄧衍成生前不時與圈中人聚會,人緣甚好。
鄧衍成生前不時與圈中人聚會,人緣甚好。