Yahoo 行動版

487人追蹤

【地道星期三影院】《如果.愛》那些歌舞昇平的日子

踏入12月聖誕佳節,本來係各大商場裝飾大戰嘅日子,早幾年裝飾仲越搞越豪,甚至取代咗以前出尖東睇燈飾活動。一家大細、男女老幼改為去商場同聖誕裝飾留倩影,不過因為近月社會氣氛,心情沉重嘅關係,連一向搞裝置藝術搞得有聲有色,喺海港嘅大型商場今年無任何應節裝飾!

今日同大家重溫2005年歌舞片《如果.愛》,因為導演陳可辛同主角張學友、周迅、池珍熙等當年齊齊幫海港隔離商場擔任聖誕亮燈儀式嘉賓,加上2000年荷里活歌舞片《情陷紅磨坊》、《芝加哥》叫好叫座,《如果.愛》作為華語最大規模的愛情歌舞片,宣傳攻勢非常落力。

電影講述讀電影的林見東(金城武 飾)遇上了在歌舞團表演的孫納(周迅 飾);男的想當導演,女的希望走上銀色的璀璨大螢幕前。兩人曾在結了冰的湖上緊緊抱在一起,這種相愛的感覺,深深烙印在林見東的心裡,他深信孫納就是他生命中的全部。然而,孫納卻選擇拋下愛情,利用見東的引薦,投向一個能幫她成名的男人。

十年後孫納終於成為人人艷羨的大明星,成名後的她努力忘記過去,否定歲月的全部痕跡。 命運讓她與香港最紅的男明星林見東於歌舞片中合作,而該片導演是孫納的男友,著名大師級導演聶文(張學友 飾)。 戲裡戲外,聶文看見孫納與見東的眼神接觸,想到也許他跟孫納之間,沒有過愛情只有利益,她想他捧紅她,而捧紅她之後,孫納又要借用她的名氣,三人的關係與其導演嘅歌舞片如出一徹‥‥‥

當時因為韓劇《大長今》而人氣急升嘅「閔大人」池珍熙扮演天使Monty,帶觀眾於回憶中遊走。叫得做歌舞片,當然有多場大型「戲中戲」歌舞場面,張學友演譯深情歌曲無可挑剔,沙聲周迅唱起嚟好有感情,最驚喜一定係金城武開金口唱歌。雖然男神有出過國語專輯,不過要聽佢唱歌嘅機會真係少之又少,連韓星池珍熙都好俾力,親自配音同唱國語歌!

《如果.愛》華麗浪漫,好適合喺聖誕佳節欣賞,特別當年沙士過後,社會慢慢回復生氣,華麗嘅裝飾及浪漫電影,可以話係生活如常嘅最好証明。