暫時唔做娛樂圈 林作做補習老師教英語兼做呢行?

林作
林作

反修例風波持續超過6個月,除咗遊行之外,十八區遍地開花,對商戶嘅經營環境都有唔同程度嘅影響,「十優港姐」麥明詩嘅前男友林作都有影響,不過係好嘅影響。

無綫力捧上位「十優港姐」麥明詩嘅前度,亦係裕美緋聞男友嘅林作。本應係一位律師,不過佢就一心想入娛樂圈,但係現時娛樂圈都有唔少電影及演唱會要暫停及取消,所以林作嘅娛樂圈工作都要暫緩。現時除咗喺補習學校教英語之外,林作亦係上市公司嘅執行董事及間唔中為報紙雜誌撰寫專欄,可以話身兼多職。近日唔知係咪因為好多家長都想送子女到外國讀書,搵佢報讀英文進修班,所以由林作擔任導師嘅課堂都座無虛席。

林作接受傳媒訪問時亦話好多家長確實想送子女到外地讀書,要打好英語基礎去應付將來,所以學校比平日多咗四至五倍嘅學生嚟報讀英語班。

另外,唔少人都對香港嘅前景感到憂慮,所以引發「移民潮」。而林作嘅屋企人過半數都已經移民,所以佢就諗倒不如搞埋移民生意,既教授英語又搞埋移民生意,一條龍服務。