英國搵食艱難

一場疫症，單單4至5月，已令到英國當地增加了超過60萬人失業大軍，持有BNO在當地搵食，並非很多人想像中美好。

如果前景「V彈」，部署過去亦無妨，但最新BBC報道，英國企業仍然keep住炒人，48小時內，就削減逾1.2萬個職位，包括不少非專業人士港人只能做的職業，時裝店Topshop母企Arcadia Group、百貨Harrods，炒人都數百到過千，最傷係連鎖麵包店Upper Crust母企SSP Group，在全英有580間門市的企業，宣布炒最多5000人…各大企業都預期，英國只能緩慢復甦。

大學生搵工又點？最新調查顯示，今年英國的Graduate job已由15000份跌至3000份，大跌77%，至少兩成企業取消了畢業生招聘計劃，並且價量齊跌，搵到工嘅，今年平均畢業生就業薪酬起點，暫時亦比去年跌3.3%，如果你係過去例如做廚師學徒，起薪點仲低過香港一半。

此外，香港人過去，說穿了就是爭奪當地人資源和工作。競爭肯定激烈過香港，尤其是在英國脫歐之後，大批本來在其他歐盟國家工作的英國公民（約120萬人），隨時會因為今年12月脫歐過渡期結束後，回流英國本土，可見愈遲，競爭就愈激烈，至今還未完全反映。

有位老闆朋友，早就有當地公民資格，子女皆在當地畢業，均在當地工作，他不諱言目前即使是專業人士，部分專業在英國本身就不缺人手，除非是醫護或護理行業好一點，否則要去本來就是專業人士搖籃的英國，跟當地人競爭，是一點不容易的，對他來說，單純搵食，去英國是捨易取難云云。

目前IAG旗下英國航空與機組代表達成協議，將裁減350名機師，並將另外300名機師放入後備名單，也反映其他「專業」，在英國當地都並不景氣，正面臨大幅裁員壓力。

英國搵食不易，聽說過有位港人女律師，在英國搵唔到食，最終要去開曼群島先搵到工；又聽說過，有位港人要輾轉去其他歐盟國家例如法國先搵到食…到頭來，本來想去英國，結果浪跡天涯。

之不過話說回來，過去捱世界，從人生角度，也不失為歷練自己的好出路？

===============

精選資訊網站「中環街市」 臉書粉絲頁