【熱話】新昌地盤工及文職點算好？

呢幾日建築工程界真係超多花生，西九M+上星期開記招，話要同承建商新昌「分手」換畫，令新昌事件再度惹人注目，點知隔日新昌就反擊M+，話雙方唔係和平「分手」。唔理佢哋之間嘅關係係點，班工人同辦公室員工都係無辜的。咁樣停工法，討論區好多工友都前路茫茫。

月初已有人率先在網上放風，話新昌手上的現金，唔夠支付地盤工兩至三個月的薪金，之後仲可能會削減文職及非工程人員數目，點知一講即中，依家M+地盤停工，之前零零星星都有啲工人Hea吓Hea吓咁開工，依家人影都冇埋。就連辦公室的文職，都好似已經收到通知，話下個月全部唔使返工，幾百人一齊執包袱，投標部冇標好投，好似仲有班人已經絕望到連工都唔返。

之前聞到有味的人「走得快好世界」，依家一下子要走咁多人，聽聞好多人都開晒turbo跪求其他建築公司收留，但反應就麻麻，業界聽到係新昌嘅人，都好似有所顧忌，怕請完之後短時間都仲有手尾跟，所以好多都按兵不動。至於地盤工，就更加慘，除咗一直被拖糧，想搵新地盤做都有難度，皆因香港基建建築好多都踏入收成期，人手需求冇前幾年咁多。

有冇新昌員工同地盤工再更新一下最新進展？

來源︰綜合各大討論區

【相關搜尋】禮頓疑欠薪拖糧500萬

===================

19網輕鬆爆料熱線，歡迎舉報老細同事19惡行，立即click入去講畀我哋知啦