外國調查：公司電腦廢 83％打工仔試過搵唔到文件

唔少打工仔女會埋怨人工低之外，公司電腦系統又慢又廢，亦會令人好想發火。有時想搵份舊文件作參考，卻屢尋不果，結果要花上大半日時間，重新再做過一份，令人無助又無奈。

其實，咁黑仔嘅唔止你一個。據智能信息管理公司M-Files一項調查顯示，有83％受訪打工仔女稱，都有試過在公司電腦系統上，因為搵唔到所需文件，被逼將原已存檔嘅文件重做一次。

據M-Files＜2019 Intelligent Information Management Benchmark Report＞指出，來自多國嘅逾1500名受訪打工仔女（包括公營及私營機構）中，有96%表示想搵最新版本嘅文件時，遇過唔少困難；其中更有45％嘅人坦言，覺得搜尋文檔和訊息嘅工作係一項大挑戰，皆因太耗費時間。

呢啲情況一次半次尚可接受，若然經常發生的話，確實好浪費人力和物力，公司需要正視。最慘係一班可憐嘅打工仔女，工作量因而增加了，令效率降低了，因為咁開OT好唔抵。

來源：realwire

===================

19網輕鬆爆料熱線，歡迎舉報老細同事19惡行，立即click入去講畀我哋知啦

【相關搜尋】公司電腦中勒索病毒