iPhone 8 炒唔起, 華強北即場收機仲有水位?!

今日是 iPhone 8 及 8 Plus 開賣嘅大日子 , 如果係往年 , 應該係一堆收機佬死候 Apple Store 門外 , 然後持貨果農就會吊高嚟賣 . 一爭一奪 , 仿似自成一個交易圈 . 不過今日氣氛就完全唔同 , Apple Store 外嘅收機佬對於果農愛理不理 .

香港現場 , Sky 去到先達門口搵左個收機佬交談 , 了解一下行情 . 收機佬表示「今年大家都只想要 iPhone X , 連大陸人都個個等 iPhone X , 你覺得仲有人買 iPhone 8 ?」收機佬抽一口煙再講「今日可能我都要平手走」, 成個畫面無限唏噓. 而談論之時 , iPhone 8 Plus 金 收機價蝕緊 HK$388 一部 . 為咗印證係唔係連大陸人都不要 iPhone 8 呢 ? Sky 決定北上中國電子風向標之稱嘅華強北 , 睇腸當地收機情況 .

不過一來到已經見到唔對路 , 過往 iPhone 首賣必定人山人海的遠望數碼城門口竟然空空如也 .

就連對出嘅小公園都係只有一兩個收機嘅人 , 但就唔見任何要放機嘅 .

Sky 現場苦等一個鐘, 終於見到有一單放機買賣 , 而且收機嘅人表示自己只係自用 , 所以都即場拆機試機 . 而收機就表示只用咗5900人民幣(約HK$6990) 就收到一部 iPhone 8 Plus 64GB , 比起大陸 Apple Store 6688人民幣平一大截 . 但佢亦表示等到 iPhone X 推出就會放咗 iPhone 8 Plus 換 iPhone X .

Sky 亦向場內店舖查詢收機價 , 不過唔少店都表示唔收機 , 只有部份收機 , 但價就非常唔靚 , 大家可以參考下 .(下面價格為人民幣)

用以上價格為人民幣, 如果以今日匯率計算 , 每部都仲有 300蚊以上執 . 主要原因係港版本身比大陸版平 , 收機佬收機之後加多兩三百賣出去都有賺 . 不過如果你打算返上華強放機就要留意 , 過關查到好麻煩 . 其次就係一定要未開封, 開左封都係唔收 . 其實真係冇必要為左賺幾百挺而走險 .

此文章原刊於 Qooah.com

為您推薦更多相關文章：

iPhone 8 都未出, 傳明年 iPhone 將提升至 6.5吋

手機分析師：目前 iPhone 8 位居最強全面屏手機