【有片】日本鳥取觀光大使 《Pokemon Go》「穿山鼠」街頭過馬路

最近日本Twtiter熱傳《Pokemon Go》嘅「穿山鼠」同「阿羅拉穿山鼠」過馬路嘅短片，睇佢哋笨手笨腳超可愛。其實佢哋最近做咗日本鳥取縣嘅觀光大使，鳥取縣最出名係「鳥取砂丘」，最適合穿山鼠出沒嘞。今次合作除咗「穿山鼠」會定期出現喺鳥取街頭之外，亦有一系列精品同食物推出，去到鳥取縣玩《Pokemon Go》仲會多咗穿山鼠出沒！另外如果天氣好嘅話，官方會用砂堆隻巨型「穿山鼠」出嚟做展覽，當地嘅咖啡店仲有聯乘活動，去開鳥取嘅Pokemon迷記住留意返嘞。活動由即日起至1月14日，入嚟官網有多啲資料。

鳥取縣最出名係「鳥取砂丘」，最適合穿山鼠出沒嘞。

去到鳥取縣玩《Pokemon Go》會多咗穿山鼠出現！

同當地咖啡店嘅聯乘活動

另外如果天氣好嘅話，官方會用砂堆隻巨型「穿山鼠」出嚟做展覽

活動期間收集滿一定數量嘅圖章，再寄回明信片就可以抽獎，有機會得到「穿山鼠」砂雕同信紙。

資料來源：https://www.tottori-guide.jp/pokemoncp/sandoidefes/

想即時睇到更多日本文化、ACG、網絡最新資訊，請即加入facebook！
https://www.facebook.com/GameoverHK