Yahoo 行動版

睇盡即時本地生活資訊

天氣交通、港股美股匯率、城中熱購,盡在掌握。

881人追蹤

【跳躍生命線】向觀眾派彩蛋 何廣沛穿越兩劇 仲有兩個身份?

東方新地 - 娛聞

台慶劇《跳躍生命線》聽晚就大結局,「雄姐」張彥博提早「落更」令人耿耿於懷,幸眾角色暫時放下傷痛,早前一集更為大家帶來一個小小彩蛋,發現何廣沛竟穿越兩套劇集,仲有兩個不同身份!大家有冇留意到呢?

撰文:東方新地|圖片:劇集截圖

延伸閱讀:

爸爸為女兒送上18歲「成年禮物」 網友:有錢都買唔到⋯

吳日言直播宣布陀B女 臍帶纏BB頸可能要剖腹

《跳躍生命線》雄姐殉職

《跳躍生命線》收視屢創高峰,為近年少有的高質本土作品,劇中各人物鮮明突出,其中張彥博飾演的雄姐係全劇最受歡迎人物之一,與何廣沛、郭子豪經常以三兄弟姿態示人,雄姐性格溫柔體貼、單純天真,令觀眾留下深刻印象!

張彥博在《跳躍生命線》中與何廣沛、郭子豪感情深厚。
張彥博在《跳躍生命線》中與何廣沛、郭子豪感情深厚。
跳躍生命線
跳躍生命線

雄姐墮樓身亡

可惜雄姐呢個角色喺早前一集,因接報到唐樓單位出勤時,房間地板突然坍塌,雄姐最後墮樓受重傷,並送上救護車趕往醫院搶救。何廣沛一邊用盡全力為好友兼同袍雄姐做心肺復甦,一邊大叫:「雄姐醒啊!」,可惜雄姐最後宣告死亡。

3雄姐因救人殉職,令觀眾心傷。

跳躍生命線
跳躍生命線

一幕幕回憶重現觀眾眼前

與此同時,劇集更安排雄姐的暗戀對象River(李靖筠飾) 含淚彈結他,一幕幕回憶重現觀眾眼前,讓觀眾從入學堂開始到出班一同回顧雄姐點滴,賺人熱淚!

劇名及片尾曲轉成黑白

最後連劇名及片尾曲都由平時的彩色轉成黑白,再配合雄姐講出:「咁多位兄弟,我落更先啦,Good Day!」,成個效果極為煽情,同時亦為雄姐呢個角色的一生畫上句號。

雄姐,落更啦!

一眾主角出席雄姐的喪禮,張彥博的戲份也就正式劃上句號。
一眾主角出席雄姐的喪禮,張彥博的戲份也就正式劃上句號。
唔少觀眾睇到眼濕濕!
唔少觀眾睇到眼濕濕!

陳瀅陪羅蘭完成臨終願望

劇中陳瀅與羅蘭姐的嫲孫情真摯動人,可惜羅蘭飾演的愛姐患上重病,命不久矣,於是佢訂出一個臨終前的願望清單,希望孫女陪佢完成! 於是陳瀅陪住羅蘭姐食甜品、夾公仔、最後再去造壽衣…… 雖然傷感,但亦溫馨。

83歲羅蘭姐依然好精靈!
83歲羅蘭姐依然好精靈!

《跳躍生命線》向觀眾派彩蛋

近日有人指《跳躍生命線》感情戲太多,應該改名叫《跳躍感情線》,臨近結局當然要交代多位角色的感情發展啦!其中愈走愈近的何廣沛及劉佩玥一齊去果欄買生果,何廣沛就表示自己曾在果欄打工,熟晒架步,實買到好嘢!

原來傑仔做救護員之前喺果欄打過工?
原來傑仔做救護員之前喺果欄打過工?
有咩咁巴閉呀?
有咩咁巴閉呀?
點知何廣沛又真係不斷遇到熟人,仲話俾折頭佢!
點知何廣沛又真係不斷遇到熟人,仲話俾折頭佢!

何廣沛曾在果欄搬貨?

之後何廣沛就話佢以前喺果欄搬過貨!
之後何廣沛就話佢以前喺果欄搬過貨!

去「和豐欄」搵「大巴姐」?

之後何廣沛帶劉佩玥去到一檔「和豐欄」,仲話呢度啲生果係全場最正!睇到呢度,觀眾們都覺得呢個名好似咁熟嘅?
之後何廣沛帶劉佩玥去到一檔「和豐欄」,仲話呢度啲生果係全場最正!睇到呢度,觀眾們都覺得呢個名好似咁熟嘅?
呢度個老闆娘叫「大巴姐」,喂又係好熟咁喎!
呢度個老闆娘叫「大巴姐」,喂又係好熟咁喎!

Crossover《果欄中的江湖大嫂》

其實心水清的觀眾應該都知啦,何廣沛同劉佩玥去的檔口正正係今年3月《果欄中的江湖大嫂》中,女主角陳煒經營的「和豐欄」,而陳煒喺《果欄大嫂》中外號就係叫大巴姐。

大家應該都仲記得《果欄中的江湖大嫂》~
大家應該都仲記得《果欄中的江湖大嫂》~
陳煒當時個角色就係叫大巴姐,不過佢今之未有喺《跳躍生命線》中客串。
陳煒當時個角色就係叫大巴姐,不過佢今之未有喺《跳躍生命線》中客串。
大大個「和豐欄」!
大大個「和豐欄」!

何廣沛穿越兩劇 仲有兩個身份?

其實點解會有呢個彩蛋出現呢?因為何廣沛原來有份客串《果欄中的江湖大嫂》,喺大結局一集以果欄新人的身份現身,表示自己剛剛頂下一個果欄做店主。

唔講真係唔記得何廣沛出現過~
唔講真係唔記得何廣沛出現過~
當時何廣沛同幾位主角陳煒、岑麗香及黃浩然表示自己從未賣過生果,即時被瘋狂質問!
當時何廣沛同幾位主角陳煒、岑麗香及黃浩然表示自己從未賣過生果,即時被瘋狂質問!
香香幾大反應!
香香幾大反應!
新人邊知咁多規矩喎!
新人邊知咁多規矩喎!
何廣沛驚到想轉身就走!
何廣沛驚到想轉身就走!

《果欄中的江湖大嫂》係新手檔主,但何廣沛去到《跳躍生命線》就自稱搬過貨,唔通佢真係做唔掂生意,索性搬貨就算?

其實都係嚇吓佢啫!
其實都係嚇吓佢啫!

延伸閱讀:

熟睡男被拐杖狂敲腳逼讓座 反問一句成功拒讓老伯!