雅虎香港新聞 網上流傳2018無綫綜藝節目名單 邊個你最有興趣？
每年無綫都會舉行節目巡禮向廣告客戶公布新一年新劇及綜藝節目名單。雖然2018節目巡禮仲未舉行，但網上已經流傳部份綜藝節目名單及主持陣容，等我地率先同大家睇下2018無綫綜藝節目名單啦！
1. 《阿爺廚房2018》（主持：李家鼎及譚玉瑛）
為滿足觀眾「添食」嘅要求，無綫繼續安排李家鼎同譚玉瑛主持《阿爺廚房2018》，觀眾可以再一次欣賞鼎爺技驚四座嘅廚藝.
2. 《亞洲100道風味》（陳煒、袁文傑及江美儀）
節目由陳煒、袁文傑及江美儀主持，一睇個主持陣容就知充滿「亞洲」味。
3. 《兄弟廚房》（主持：蕭正楠及曹永廉）
由蕭正楠同曹永廉主持，佢哋係好兄弟就係人都知，佢哋喺《超時空男臣》中爆發無限笑彈，唔知會唔會延續到綜藝節目呢？！
4. 《大娛樂家》（主持：林曉峰及林盛斌）
由兩代搞笑藝人林曉峰及林盛斌主持，節目會邀請藝員進行遊戲及比賽，到時一定會笑料百出。
5. 《放工去旅行》（主持：麥美恩及陸浩明）
由近排經常出現嘅麥美恩及陸浩明主持，唔知觀眾會唔會睇到悶呢？
6. 《叻人回歸》（主持：李克勤及梁榮忠）
繼《叻人新世紀》及《殘酷一丁》後，李克勤同梁榮忠事隔多年再度合作，唔知會唔會有新嘅火花呢。
7. 《曾志偉大玩派》（主持：曾志偉）
節目當然係由曾志偉主持啦，個感覺好似係《獎門人》系列同《我愛香港》嘅延續版喎～
8. 《女皇華麗50年》（主持：汪明荃）
適逢今年係「鎮台之寶」汪阿姐入行50周年，無綫除咗有傳搵佢拍同名自傳式劇集之外，仲搵佢拍綜藝節目，下年可以成日見到佢啦！ 早前阿姐成為網上票選香港樂壇10大魔音第一位，果然係樂壇女皇，觀眾到時又可以聽到佢唱經典作品啦！
9. 《遊戲天團》（主持：待定）
雖然未定主持，不過估計會好似韓國綜藝節目《Running Man》咁邀請嘉賓玩遊戲。
10. 《美味關係》（主持：待定）
個節目名似劇集多過綜藝節目，唔知由邊個主持呢？
11. 《愛在遙遠的地方》（主持：待定）
節目比較特別係愛情故事加旅遊節目，希望唔好再介紹日韓台，不如介紹下其他地方啦！
以上咁多個綜藝節目當中，邊個你比較有興趣呢？
