Yahoo 行動版

455人追蹤

姚羽嘉倒灶「舞」得留低

東方日報

十五位候選港姐昨日進行淘汰賽,才藝表演舞功出色的熱門之一姚羽嘉竟然出局,賽果令人意外!雖然在佳麗投票互選時與王菲同分,但後者憑基本賽制排名較高而險勝晉級。姚羽嘉受訪時坦言失望,更一度哽咽。

《2019香港小姐競選》候選佳麗昨日在將軍澳出席「決賽佳麗誕生」活動,期間將淘汰五位佳麗。各人經過自選才藝表演及接受司儀考驗後,進入投票互選環節,最高票數佳麗率先晉級,其中王菲與姚羽嘉各得三票同分,但大會跟據基本賽制排名高低,宣布王菲入圍,其餘被淘汰的佳麗包括江雨婷、吳玥彤、黃詠柔與楊慧敏!賽果公布後,多位佳麗眼泛淚光,包括入圍的梁敏巧。十強佳麗隨後抽號碼牌包括(1)黃嘉雯、(2)蔡嘉欣、(3)梁敏巧、(4)姚懿芠、(5)王菲、(6)陳熙蕊、(7)楊詠彤、(8)古佩玲、(9)廖倬竩及(10)謝采芝。

一度哽咽 佳麗戥不值

北京舞蹈學院畢業的熱門佳麗姚羽嘉舞功了得,才藝表演跳出自編的JAZZ舞蹈,又大晒一字馬,舞技出眾,可惜仍然出局,她受訪時亦難掩失落:「肯定有失望,好唔捨得其他佳麗,都有少少覺得唔抵,但冇辦法!我之前喺北京住,可能big big fun少人投票畀我。」提到表演更一度哽咽:「自己今日表現唔錯,都好滿意,傷心係唔捨得其他佳麗。」黃嘉雯亦戥她出局不值:「佢跳舞、性格都好好,戥佢出局唔抵。」

入圍的楊詠彤與古佩玲一度爆喊,坦言不捨有佳麗出局,古佩玲說:「心情有少少複雜,又開心又唔捨得,一班佳麗日對夜對,一入後台已經忍唔住喊!我希望姚羽嘉可以入圍,同佢特別Friend,佢好Nice又搞笑。」楊詠彤被問到可覺得淘汰制殘忍?她說:「唔會,都知道有淘汰,但唔知會淘汰五個咁多,有啲錯愕。 」

楊慧敏被Out仍恨入行

「馮盈盈師姐」楊慧敏亦對出局感失望:「條條大道通羅馬,參賽唔係為攞獎,只係想入娛樂圈,唔啱選美,可能啱入行呢!」

賽後,無綫非戲劇經理陳旭亮解釋淘汰基本賽制是根據手機應用程式big big fun投票結果與「香港小姐評委會」的評分,加插佳麗互選只是增加Gimmick:「佳麗互選有考慮過同分問題,我哋會根據基本賽制排名高低,王菲排名高過姚羽嘉就先入圍。」

<!--AD--><div class="footerAds clear">第一手消息請下載on.cc東網<a href="http://itunes.apple.com/hk/app/id349812998?mt=8" target="_top">iPhone/</a><a href="http://itunes.apple.com/hk/app/id387862928?mt=8" target="_top">iPad/</a><a href="http://market.android.com/details?id=com.news.on" target="_top">Android/</a></div><!--/AD-->

楊慧敏跳到拗晒腰,但都掹唔番要出局。
楊慧敏跳到拗晒腰,但都掹唔番要出局。
吳玥彤將魔術融入舞中,可惜仍緣盡十強。
吳玥彤將魔術融入舞中,可惜仍緣盡十強。
表演爵士舞的姚羽嘉出埋一字馬,仍大熱倒灶。
表演爵士舞的姚羽嘉出埋一字馬,仍大熱倒灶。
江雨婷化蝶起舞,飛唔出被淘汰命運。
江雨婷化蝶起舞,飛唔出被淘汰命運。