單身快樂！男仔唔想拍拖心聲：剔除結婚供樓，一個人更輕鬆有得揀

香港地生活壓力有幾大，相信大家日日都感受到：無盡嘅工作量、數之不盡花費，已經令人抖唔到氣，拍拖亦可能變成一種奢侈。有絲打在討論區開post，話最近聽到男朋友(這裡指男性朋友)都不想拍拖，覺得拍拖浪費時間、好辛苦，向大家請教原因。

典型的港男港女互片(巴打鬧絲打公主病；絲打嫌男朋友不濟)就講多無謂，反而有位心水清的人兄作出了「細心分析」，可謂芸芸回覆中的一道清泉。

作為男朋友，「喺香港做男人真係要義務負責埋女方的將來，就算公同婆都係出嚟工作，大家經濟獨立都係咁話。呢個係華人文化入哂腦嘅共識，已經唔係男女平唔平等。」

除笨有精 只對自己負責

佢不諱言，「而家偏向一個人，食幾多著幾多只係需要同自己負責，就算做月光族第日訓街都唔會累到另一半。」一個人不代表沒規劃，他坦言有為人生作規劃，會儲蓄、買保險、訂立每月零用使費，「計數時的出發點都係預我將來自己一個人到老到死，唔駛老年時咁折墮。完全冇＆唔駛考慮身邊會有另一個人的額外開支」。

剔除結婚供樓 提升生活質素

最重要的是，一個人可以完全剔除結婚、供樓一大筆錢，甚至可提升生活質素！「當你唔需要咁chur去搵咁多錢時，你可揀份人工唔高，但相對work life balance嘅工，除笨有精，人生壓力細咗輕鬆咗。亦都唔駛再理女人最鍾意掛喺口嘅『上進心』 問題，輕輕鬆鬆過一世。」至於係咪寂寞，佢就認為可發展打機、閱讀、睇電影、睇netflix等興趣，唔駛再花精神時間金錢「去湊女去拍拖 」。

其實無論是單身，還是有拖拍，正如呢位人兄所言：「人生苦短，盡快搵到條自己覺得最啱最舒服嘅路就得。」想拍拖就去馬，想一個人過亦無所謂，最緊要係條路自己揀。

來源：連登討論區

相關字：

男朋友 單身 唔想拍拖 心聲 結婚 供樓 有得揀