Yahoo 行動版

睇盡即時本地生活資訊

天氣交通、港股美股匯率、城中熱購,盡在掌握。

423人追蹤

【化妝技巧?】哈薩克排球美少女莎賓娜個樣唔同咗 被網民質疑整容

嚟自哈薩克嘅Sabina Altynbekova(莎賓娜) ,喺2014年參與台灣舉行嘅亞洲杯青年女子排球賽,憑著甜美樣貌、182cm身高、九頭身嘅修長身型、加上不施脂粉、清新氣質一夜爆紅,被封為「世界最美排球員」,成為唔少人心目中嘅女神。

莎賓娜爆紅後,於2015年加入咗日本企業所屬嘅GSS陽光隊進軍日本排壇,發展亦算唔錯,參加咗唔少節目,仲拍埋寫真同廣告,不過最近有網民就發現莎賓娜嘅樣貌出現咗變化。

首先嘴唇變「豬唇」、鼻樑變「間尺鼻」、圓圓嘅鼻頭亦變尖咗、蘋果肌明顯膨漲咗唔少,由原来不施脂粉就已經好似仙女嘅靚女成為喺內地隨手可得嘅「網紅臉」,當然即刻俾人質疑佢整容,一班粉絲亦非常失望。不過亦有人覺得因為佢已經大個女、五官亦變得更加標緻,所以佢有冇「崩壞」就真係見仁見智啦!

不過「女神」就話自己冇整容,只不過係因為啱啱學識化妝,技巧未掌握得太好,所以先化得太老成。亦表示可能係因為用得太多修圖軟件,先俾到人哋呢個錯覺喎。