【想做第二個姜濤？】《全民造星II》接受報名 監製花姐繼續鬧人﹕我唔會改風格

ViuTV去年舉辦選秀真人騷《全民造星》非常成功，打造新星姜濤，還有組合MIRROR和ERROR，每次出現例必引來大批Fans追捧，人氣直逼韓星！連早前大台樂易玲出席百萬行都讚MIRROR成員幾靚仔，有意自己搞一個類似選秀騷，稱「Herman唔做我做啦」。

樂易玲是否「吹水」未知，但ViuTV《全民造星II》已準備出爐，今日官方網站上載了一段最新招募短段，播放昔日一班「造星仔」的辛酸喜樂，並留言﹕「就算你唔識派心心、流唔到韓劇眼淚、無強大嘅伯娘支持、身高又冇193…只要你想做明星、鍾意表演、鍾意不斷成長，都可以報名！如果錯過了第一次選秀，今次亦是一個好機會，因為會有星級導師將你level up，還可以認識一班陪你奮鬥、陪你進步的好兄弟！」不少網民亦留言﹕「機會嚟喇！」

不過，參加者都要符合以下條件﹕
1.年滿18歲之男性
2.持有效香港永久性居民身份證
3.不限國籍及膚色
4.家庭成員或有需要參與錄影

而《全民造星》的靈魂人物花姐，今次都會繼續擔任節目監製，花姐今日接受《蘋果》電話訪問時透露今年同樣會選出99位參賽者，但未有透露今次有甚麼新搞作，及100萬獎金會否再加碼。問到是否只做男仔？她解釋﹕「我都有考慮過，但《全民造星》係一個熱血節目，以監製角度，純為節目效果，做男仔係易啲，有嗰種氣氛，如做女仔就係另一種風格。我都想keep番之前大家好熱血、友情，大家為夢想去行，我都想跟呢個方向，以節目監製角度係容易handle啲。」

問到一班「囝囝」有沒冇推介朋友參加？花姐說﹕「我本身係做演唱會監製，身邊識好多dancer都話會參加，我當然希望今次啲人踴躍啲。」不過，網上亦有人批評會否太快又選新一季？花姐說﹕「之前都係錄影後先播，其實已經係一年多。」是否keep住鬧人風格？她繼續cool爆說﹕「我都係做番自己，唔會改風格！」如果唔怕花姐發火鬧人，你都可以試一試！