Yahoo 行動版

46人追蹤

【子女負責跟進】傳情婦放棄爭產訴訟 何琍琍:呢啲人道德淪亡

華光航業董事長趙世光於2016年病逝,趙生前立下遺囑,但「三奶」劉園園同年入稟法院指出,她未曾見過趙的遺囑,不知道有甚麼受益人。
華光航業董事長趙世光於2016年病逝,趙生前立下遺囑,但「三奶」劉園園同年入稟法院指出,她未曾見過趙的遺囑,不知道有甚麼受益人。

今日有報道指趙世光於2016年離世,其包養25年的秘書劉園園同年入稟高院爭產,她早前因缺錢放棄爭產訴訟,有指她已另覓新歡。

《蘋果》就報道聯絡身在內地的趙太何琍琍,她全程語調溫和,表示對官司進展不知情:「我不知道,官司嘅嘢完全不知情,係仔女同律師跟進,趙生走嘅時候都冇話呢個人係紅顏知己,呢啲人道德淪亡,以前啲人係會避談,佢只係趙生秘書,趙生以前有咩女人,譚玉梅你哋都寫過,呢個(劉園園)太離譜,不知廉恥,求其一個人跳出嚟,邊一個老闆會請一個秘書留資產畀佢?」

對於官司一事,趙太強調由始至終係「好奇怪」,不過她相信香港法律公正,以及尊重趙生遺囑意願,自己並沒過問官司的事。對於這位做了25年趙生的秘書印象如何?她表示:「趙生之前紅顏知己嘅事大家都知,我都唔想發表太多意見。」

有指二奶程秀麗早前已病逝,她與趙生所生的一對子女,雖不是遺產受益人,趙太與眾子女都對二人照顧有加,趙太表示:「仔女都尊重趙生生前對佢哋照顧,可以幫到就幫,趙生係佢哋爸爸,佢哋去咗外國讀書都好有成就,未來一定盡力做好自己事業,佢媽媽病時,我哋都有盡力協助。照顧佢哋係對先生一個尊重,我見過佢哋兩次。一次係佢哋一歲幾,一次係成年後,我哋都希望佢哋發展好。」

再問到早前有指趙式珠已結婚,趙太表示現時長居內地,不睇新聞,所以不知情:「真係唔知,冇聽仔女提過,如果真係,希望佢同佢先生幸福快樂。」最後,趙太表示不會為這類「三太」新聞不開心,她笑言:「我唔睇新聞,我由拍戲年代,媽咪已教我唔睇新聞。」

何琍琍當年風光嫁趙世光,幾十年的婚姻,經歷無數風雨。
何琍琍當年風光嫁趙世光,幾十年的婚姻,經歷無數風雨。
趙世光是好爸爸,對兒女非常痛錫。
趙世光是好爸爸,對兒女非常痛錫。
趙世光與太太何琍琍育有三女一子。
趙世光與太太何琍琍育有三女一子。
富商趙世光昔日紅顏知己譚玉梅。
富商趙世光昔日紅顏知己譚玉梅。
趙世光秘書劉園園。
趙世光秘書劉園園。