Yahoo 行動版

睇盡即時本地生活資訊

天氣交通、港股美股匯率、城中熱購,盡在掌握。

699人追蹤

【前妻懷孕】時運高聽唔到…黎明中環派金幣:測試人性

黎明今日以名譽副會長身份到中環皇后像廣場,出席公益金50周年活動,一身便服嘅黎明戴太陽眼鏡現身,台下見佢心情大靚,活動前仲同其他嘉賓自拍。

活動上司儀邀請黎明上台分享經驗,佢一上台就話:「首先要學啲前輩做嘢,上台講嘢前要除太陽眼鏡。」然後再講:「加入公益金以嚟一步一步學習,跟好多前輩做,前輩俾支棒我哋上山下海去籌款,過程中幫到好多香港市民。我都曾經係新人,我會將我嘅經驗分享畀新人聽。今年係公益金50周年,我哋一齊行落去!」然後就同嘉賓們於台上剪綵,再影大合照。

之後黎明就落台,向市民派發朱古力金幣,唔少Fans一見到黎明,即一擁而上,佢笑言:「依家就係測試人性喇!」

問到前妻樂基兒懷孕(新聞連結:  https://bit.ly/2SII8u2  ),會唔會恭喜對方及同送上祝福?黎明充耳不聞繼續派朱古力金幣,最後冇做訪問就離開。

同場仲有陳柏宇、湯駿業、葉巧琳同黃妍,其中陳柏宇同湯駿業接受訪問時話好開心今日出席公益金活動,柏宇話因為以前喺外國讀書從未參加過百萬行:「但有機會嘅話都想帶埋囡囡去。」問到唔係咪本來預備今日同黎明分享湊女經?柏宇笑言:「冇諗過,我今日連招呼都唔敢同佢打,佢氣場太勁,太有型。」

攝影:葉君海、曹家誠
攝影:葉君海、曹家誠
台下黎明穿外套戴墨鏡
台下黎明穿外套戴墨鏡
一上台
一上台
先與嘉賓們剪綵,再影大合照。
先與嘉賓們剪綵,再影大合照。
好曬定係?
好曬定係?
之後黎明就落台,向市民派發朱古力金幣。
之後黎明就落台,向市民派發朱古力金幣。
事有湊巧,今日樂基兒都會出席公開活動呀!(資料圖片)
事有湊巧,今日樂基兒都會出席公開活動呀!(資料圖片)
事有湊巧,今日樂基兒都會出席公開活動呀!(資料圖片)
事有湊巧,今日樂基兒都會出席公開活動呀!(資料圖片)