長沙灣新開超抵食港式扒房 $20鐵板宮崎吉烈豬柳

而家出去食個港式鐵板扒餐,閒閒地都百幾蚊先落到樓。不過長沙灣最近就新開一間超抵食港式扒房,最平$20就食到鐵板宮崎吉烈豬柳,牛魔王至愛嘅西冷牛扒餐都只係$88,真係全城至抵!雖然價錢抵食,但用料依然講究,挑選紐西蘭 Affco牛肉及美國大草原自然豬扒等無激素肉類,堅持絕不採用鬆肉粉及食粉醃製。

肉肉強食
肉肉強食

被問到點解會選擇開一間港式西餐廳,負責人Nansen話係為咗完成70歲剛退休爸爸嘅心願:「佢經常話有個遺憾就係年青時期負擔唔到高級餐廳鋸扒嘅費用,拍拖都淨係帶到媽媽去普通餐廳食一般鐵板餐,所以心底一直希望可以開一間畀年青人可以負擔到又高質素嘅鐵板西餐。

肉肉強食
肉肉強食

價值$20鐵板宮崎吉烈豬柳!每日限定50份,選用宮崎快樂豬,用上偏瘦嘅部位, 肉味突出,肉質亦爽滑有咬口,而家食落一啲都唔油。真係前所未有咁抵食!

宮崎吉烈豬柳($20)
宮崎吉烈豬柳($20)
宮崎吉烈豬柳($20)
宮崎吉烈豬柳($20)

牛魔王必食嘅西冷,採用天然草飼無激素嘅 Affco牛肉,以熱辣辣的鐵板配以黑椒汁、洋蔥汁或蒜蓉汁,肉味濃郁有咬口。偏愛軟腍口感,可以揀牛柳;鍾意油脂豐富就要揀肉眼啦。如果想再食好啲,仲有供應埋日本鹿兒島和牛西冷。

西冷牛扒($88)
西冷牛扒($88)
西冷牛扒($88)
西冷牛扒($88)

貪心鬼或者有選擇困難,一於就食美式什扒啦!可以一次過食晒餐廳招牌大草原自然豬扒、軟腍嘅Affco牛扒、法國無激素雞翼、香脆嘅法蘭克福腸仔同美國煙肉,份量十足亦都啱晒大胃王。

美式什扒($78)
美式什扒($78)

至於鍾意食羊嘅朋友就可以試呢個紐西蘭羊架,羊騷味都幾突出,而且啖啖都係肉啊。

紐西蘭羊架($128)
紐西蘭羊架($128)
紐西蘭羊架($128)
紐西蘭羊架($128)

除咗鐵板餐以外,餐廳另一招牌係呢個手打牛肉漢堡。6oz 漢堡扒同樣以 Affco 牛柳、西冷同肉眼 攪碎而成。並混以自家調味料、洋蔥及蛋。漢堡扒肉汁豐富,可加配香濃幼滑嘅半溶芝士($3),配埋鬆軟香甜嘅洋蔥包食真係好滿足。

手打牛肉漢堡($45)
手打牛肉漢堡($45)
肉肉強食
肉肉強食

肉肉強食 by 鋒膳

地址: 長沙灣東京街31號1樓

文: Yanica

相、片: Calvin Kwok