小米終於出場,十年會變什麼?

千呼萬喚始出來,小米上市終於都殺到埋身。消息指小米估值 650 億至 940 億美元,預計市盈率約 27 34 倍,較人人心中都覺得佢勁嘅電腦、手機製造商 Apple 14.5 倍市盈率仲要高,貴定平各有說法。

有人覺得蘋果咁創新都係得 14.5 倍,小米成日「參考」人地設計,點值 34 倍,完全係黐線,但係調返轉頭講,當年騰訊最勁嘅 QQ 都畀人一種係 ICQ 中國版嘅感覺,阿里巴巴又有一種 eBay 嘅感覺,但今時今日一樣大得驚人。

  【相關搜尋】小米抄襲疑雲  

你可能話小米點可以同雙馬比,但當年嘅雙馬都未必估到自己有今日。用今日嘅數據去估未來往往係最不現實嘅事,否則就唔會有咁多意外。小米未來到底係點,係好似摩根士丹利咁講,未來互聯網服務係主要增長動力,複合增長強勁;或者是高盛咁講,未來係全球互聯網業務可以同 FacebookGoogle 睇齊,還是像瑞信一樣覺得依家只佔不足 9% 嘅互聯網業務未來可以佔 90%,這些統統不重要。

重要的是,當年大家錯過了騰訊、阿里巴巴、錯過了 Google, Apple, Facebook,人人都唔想再錯過下一隻騰飛嘅獨角獸,只要有可能便落注博一博。如同當年中國銀行喺香港上市,唔少叔叔嬸嬸覺得佢會係下一隻匯豐一樣,對住鏡頭明言會長揸一世。

小米到底值唔值,同佢啲手機係唔係價廉物美,還是用一陣就壞無咩關係。想像空間先係一隻股票值唔值錢嘅因素,小米「參考」能力咁高,你又有無想像到十年後,佢會係「中興」還是「蘋果」呢?

作者:石先生(科技博客Stone IP

===============

財經精選資訊網站「中環街市」 臉書粉絲頁