陳家樂「放監」 患人群恐懼症？

英皇藝人陳家樂與何珮瑜（Jeana）早前於馬來西亞拍攝網劇《女法醫JD》，因新冠肺炎全球肆虐，大隊早前撤離返港，並分別坐「隔離監」。昨日眾人完成14天隔離，家樂說：「頭先喺街我覺得自己好似患上人群恐懼症咁。」Jeana則出動「防疫三寶」出關，品嘗豐富早餐。

昨日甫踏入凌晨12時，陳家樂即自行剪掉隔離手帶。至下午約3時，他現身中環急不及待往理髮慶祝「重生」，事後徒步往附近超市儲糧。他原本木無表情，到理髮後變得生龍活虎：「其實我『監期』唔只14日，上月12日喺馬來西亞拍完最後一場戲就已經『被困』，基本上有3個星期同外界失聯咁。我覺得自己啲頭髮長到好似個波咁，完全接受唔到，頭先喺街我覺得自己好似患上人群恐懼症咁。」

警員登門抽查

返港後，家樂坦言曾被抽查，有警員登門造訪核實資料。問到如何打發時間？他說：「買咗書返嚟學英文。我咁鍾意踢波，咪同朋友玩足球game囉，仲有砌模型，只要有計劃就唔會嘥時間。」這個假期是近年最長的一次，他坦言最惦掛嫲嫲，今日會抽時間往探望及飯敍。

至於Jeana昨晨戴上太陽眼鏡、口罩及膠手套保護裝備離家，駕車直駛觀塘。先把愛車放下「洗白白」，再到鄰近咖啡店醫肚，一口氣點下咖啡、乳酪及牛角包，不消數分鐘便把枱上食物掃清，及後進入一幢商業大廈。

她事後受訪表示完成隔離心情輕鬆，現時身體狀況良好，故立刻復工：「嚟緊要拍劇，今日出去試造型。（離開屋企第一件事想做乜？）乜都想食，最想係食車仔麵，但趕住做嘢未食到，期待今晚放工衝去食。」她指隔離期間生活非常規律，每朝7時起床，自己煮早餐、煲劇、睇劇本及做運動，有時會午睡，之後就準備晚餐，養得精神飽滿。