金曲獎勇奪5項大獎 蘇打綠慶功宴宣布休團三年

第27屆台灣金曲獎喺噚晚已經圓滿結束,出道13年嘅樂團蘇打綠以《冬未了》勇奪5項大獎成為大贏家,分別係最佳國語專輯、最佳樂團、最佳編曲人、最佳專輯製作人、最佳作詞人。

不過喺慶功宴上,老闆林暐哲突然宣布蘇打綠喺完成今年「In Summer」巡迴演唱會後,就會休團三年。老闆仲話呢3年除咗俾團員好好休息之外,佢仲希望可以藉著呢張專輯同德國嘅音樂人合作,拓展海外市場,衝出亞洲前往歐洲發展。

蘇打綠就話暫時休息係佢哋嘅共識,可以做佢哋想做嘅事,馨儀就話想環遊世界;已有家室嘅成員小威、阿福同家凱就想陪小朋友成長,青峰即刻回應話佢會開托兒所,喺佢哋休息期間都可以賺佢哋啲錢。

消息公佈後令到唔少在場人士、粉絲及網民驚訝同不捨,部分網上留言: