《獸頭救兵》真人扮動物打救動物園

為咗生意同份工你可以去得幾盡？有人為咗救返盤生意，日日著10公斤道具衫扮動物！講緊係韓片《獸頭救兵》，由《炸雞特攻隊》監制打造爆笑喜劇，今次唔扮賣炸雞，去得更盡，直接扮猩猩、獅子、北極熊、長頸鹿、樹獺！

改編自漫畫家HUN網上漫畫，故事講述太洙（安宰弘 飾）在一家知名律師事務所擔任臨時職位，他夢想有一天能正式在此任職。太洙每天都要花費許多的時間以達成他的目標，某天一個難得的機會降臨在他眼前：老闆空降佢去做CEO，重振即將停業嘅動物園！

但動物園裡已經沒有任何動物了，太洙為此想到了一個妙計︰佢決定叫動物園的職員們一起扮成動物面對遊客！難得班員工又肯陪佢癲，呢班極度似人又臭脾氣嘅「動物」，因為行為騎呢反而造成話題，成功吸引遊客上門，生意有轉機！太洙亦有機會得到律師事務所正式的職位，不過一關過完又有難關，動物園將面臨前所未有的危機……

戲中各人為咗扮動物落咗唔少苦功，劇組特別搵嚟曾為《與神同行》嘅動作指導金弘來幫幾位演員入戲，包括反覆睇動物片段，熟習動物嘅動作及姿態，再不停練習。不過最辛苦應該係著住件重10公斤嘅動物道具衫，由頭包到實，就算靚女如姜素拉都不能倖免，飾演Doc姐嘅佢扮獅子，用肢體語言發揮兇狠特色！

上次《炸雞特攻隊》大玩80年代港產片，向《英雄本色》致敬，而且夠癲夠喪。今次一樣玩懷舊，預告片還原10年前可口可樂北極熊版廣告，仲大玩《星球大戰》，戲中隻樹獺似足星戰Chewie，就算唔係《星戰》迷都一樣識笑！真人扮動物條橋夠哂黐線，想笑餐飽發洩下，《獸頭救兵》不容錯過！