歷年書展大事回顧 邊一件事你最深刻？

一年一度嘅書展又開始啦！每年書展最受注目嘅唔一定係新書，又或係邊位人氣作家，而係一班藝人、o靚模等。我地同大家重溫一下歷年書展發生過咩大事喇！

1. o靚模入侵書展

2009年有網民反對0靚模入侵香港書展，認為o靚模唔應該喺書展推出性感寫真，但亦有網民表示支持，兩批網民喺網絡發起罵戰。書展主辦當局為避免引發衝突，而要作出相應安排。

2. AD2拋胸街頭鍚阿伯

2013年AD2本寫真趕唔切喺書展推出，但佢地就係灣仔行人天橋上宣傳。AD2著住超短熱褲同低胸小背心，兩個互相鍚鍚摸胸，仲當街鍚阿伯。

3. 周秀娜粉絲接受訪問

2010年 周秀娜鄭姓男fans喺書展購買周秀娜寫真集，並接受電視台訪問。訪問片段上載咗YouTube兩日，已有三萬點擊率。男Fans亦被封為「周秀娜的頭號粉絲」。

4. o靚模漏M博出位

0靚模騷胸博出位見慣不怪，不過喺2013年0靚模Keiko揀正書展突然「漏M」，仲要當住傳媒面前見紅。一班網民話Keiko明知自己就快黎, 就唔好著緊身超短褲啦，真係好重口味架。

5. Stephy扮才女出錯字書

2009年「才女」鄧麗欣（Stephy）推出愛情小說《陪著我走》，喺一本30幾頁文字嘅書入面有勁多錯別字，好似「無奈」寫成「無耐」，「急促」寫成「急速」等，讀者稱睇書時好似玩緊「找錯字」遊戲咁。

6. 劉老闆掃清24000本男模寫真

何浩文（Dominic）、趙勁皓（King）及顧又銘13年出寫真，喺書展期間更被一位劉老闆用超過350萬狂掃佢哋每人8千本，一共2萬4千本寫真。當年佢哋仲鍊贏其他o靚模寫真，搞到無書賣要加印，認真厲害。