Yahoo 行動版

林雅詩爆喊露血痕疑自殘

東方日報
林雅詩面容憔悴,受訪時聲淚俱下。
林雅詩面容憔悴,受訪時聲淚俱下。

藝人林雅詩自被爆經理人兼男友馬天樂偷嗒女助手成為人父後,一直「潛水」,至昨日首度現身,面容憔悴的她戴上黑色壓力繃帶,驚現兩吋半疑自殘的紅色血痕,受訪期間多次爆喊情緒激動。

林雅詩(Grace)昨日現身,同場未見平日秤不離砣的馬天樂,面無表情的她左前臂纏有黑色壓力繃帶,但外露透明長膠布及幾條紅色血痕,她刻意左遮右遮。問到現時心情如何?她坦言未Ready復工:「呢個健康用品宣傳片拍攝係之前接落,依家仲好難過、好辛苦、好嬲,畢竟都三年!」追問她與馬天樂現時的關係?她無奈地說:「唔知咩關係。(仲係你經理人?)依家自己接,但都有聯絡同見面,工作上要溝通,不過都係嗌霎,心情、身體都出現狀況。」

承認食安眠藥

Grace自爆已三日冇食、冇瞓,坦承服食安眠藥都毫無幫助,盛傳他們曾經嘈交搞到入院?她停頓數秒後承認:「係去睇醫生。(鬧交有肢體碰撞?)冇發生,唔關佢事。(但有人見到你哋喺醫院再嘈。)冇,佢係有陪我去睇醫生。(因咩事睇醫生?)係我發脾氣唔覺意撞到扭親。」情傷影響她的情緒,訪問期間多次停頓及嘆氣,更數度爆喊,被追問到是否曾做傻事,她明顯避談,又自認情路坎坷多次呻蠢,三年來從不察覺姦情:「前夫係咁,到呢個都係咁,嬲到想打自己!暫時唔會再諗感情。(對馬天樂死心?)我會好死心,過唔到自己嗰關,佢有道歉,但我接受唔到。」

重提馬天樂偷食事件始末,她淚崩指全因太信任對方:「佢同我解釋係同我嘈完交就搵助手傾訴,女人埋到嚟,男人點會唔鹹濕?佢承認把持唔住一次,但一次就有小朋友咁犀利?仲話嗰次之後冇聯絡,我真係唔信!(又話個小朋友唔係佢?)問佢有冇驗DNA,佢話乜都冇,所以成件事都好𢱑爆頭,我只係知到呢刻個女助手仲係好鍾意佢,但佢又祝我幸福快樂。」她再哭說或主動抽身以了結這段三角關係。

林雅詩用紙巾抹眼淚,露出手上血痕。
林雅詩用紙巾抹眼淚,露出手上血痕。