Yahoo 行動版

1,545人追蹤

吳啟明生意跌9成 轉「營」共享救亡

東方日報
吳啟明指遊行嚴重影響餐廳生意,晚市生意額勁跌。
吳啟明指遊行嚴重影響餐廳生意,晚市生意額勁跌。

自6月反修例風波開始至今,全港多區受到連串示威及暴力衝擊影響,餐飲業生意大跌,叫苦連天!其中藝人吳啟明與前亞姐筱靖所經營的餐廳,營業額更下跌九成,損失慘重,但轉數快的啟明想出「共享餐廳」意念,逆境求存。

神隱多年的吳啟明去年復出開餐廳,因重播神劇《大時代》而受到關注,加上其出品以「慢煮」為噱頭,受到不少食客追捧,開業至今一年多,原本一直其門如巿,特別由他新創的「廚師預約」,吸納不少高消費食客捧場。不過,最近兩個月因修例風波所衍生的遊行示威及暴力衝擊,令不少人不敢出街,嚴重影響巿民消費意欲,很多食店生意大受打擊。啟明昨日受訪時坦言營業額大幅下跌,最致命是餐廳位處示威熱點中環區:「業界話跌2、3成,我覺得唔係,我呢度(晚市)直頭跌咗9成啊!」

啟明的餐廳主要分午市及晚市,他表示因巿民可如常返工,午市生意暫時未見下跌,晚市卻是另一世界:「我間餐廳最賺錢係Fine dining(廚師預約),即係由我發辦食各地高品質菜式,收費由650蚊到2,000蚊不等,但近呢兩個月個時勢問題,個個都冇心情出嚟食飯!Fine dining係講求美好心情去品嘗美食,大家摸住酒杯底,係廚師同食客互動嘅一種飲食品味。依家個市氣氛唔好,生意好受影響,最差試過一枱客都冇!」

租酒吧賣午餐 做埋製作工場

由於午市未受影響,啟明決定抓緊這一線生機,希望逆境求生!他想出「共享餐廳」計劃,跟一些未有提供午市的酒吧或火鍋店合作,租用這個空檔時段賣午餐,既可減低租金成本,又有多個地點做生意,圖扭虧為盈:「我已經同蘭桂坊一間酒吧、銅鑼灣一間餐廳傾好合作,租用佢哋午巿時間。佢哋原本喺呢個時間係冇做生意,但我覺得地點係適合我賣午餐,咪租用唔使浪費!其實我依家間餐廳,做完午巿都係冇乜客,唔想浪費下決定用嚟做製作工場,推出五、六款食品包裝上架,又有貓、狗糧食品製作,總之希望善用員工,唔好浪費租金同人手!」

<!--AD--><div class="footerAds clear">第一手消息請下載on.cc東網<a href="http://itunes.apple.com/hk/app/id349812998?mt=8" target="_top">iPhone/</a><a href="http://itunes.apple.com/hk/app/id387862928?mt=8" target="_top">iPad/</a><a href="http://market.android.com/details?id=com.news.on" target="_top">Android/</a></div><!--/AD-->

筱靖指營業額只得20多萬,最頭痛要籌錢交租。
筱靖指營業額只得20多萬,最頭痛要籌錢交租。
吳啟明決定轉攻午市,租用酒吧賣午餐。
吳啟明決定轉攻午市,租用酒吧賣午餐。
面對一張張吉枱,百般滋味在心頭。
面對一張張吉枱,百般滋味在心頭。