【獨家】相伴三十年!69歲「惡人」李兆基结婚沖喜 與58歲女友入紙註冊

(攝影:黃嘵妍)
(攝影:黃嘵妍)

現年69歲的資深演員李兆基早年在電影中專演惡人,演《古惑仔》系列電影「基哥」一角,為人認識,角色深入民心。

今日《蘋果》發現李兆基於2月12日入紙註冊,與58歲女伴邱巧貞拉埋天窗,结婚沖喜,他們同住九龍城一住宅,婚姻狀況一欄寫「離婚」,年過半百再婚,「沖」掉不好的運氣,在人生路上,繼續互相扶持。恭喜,基哥、基嫂!

《蘋果》致電基哥時,他聲音有點沙啞,問他是否入紙結婚?他反問說︰「你係邊個?」再問他是否入紙結婚想恭喜他時,他只說︰「唉!唔好講。」說罷便收線。基哥經歷過兩次中風,近年他淡出影圈,曾經向社署申請綜援但被拒絕,他去年11月患上肝癌,曾一度想放棄治療,多得親友鼓勵,最後入院做手術,成功切除肝臟腫瘤,康復進度理想,出入以枴杖支撐身體行走。

基哥好友陳慎芝今日接受《蘋果》電話訪問,他開心表示:「係呀!我安排嘅。因為政府恩恤佢,最近畀咗間一人公屋,好平好靚,我就話佢『衰仔,個女人跟咗你30年,好照顧你,都要俾番啲嘢人,唔結婚對女友好唔公平』,所以我就幫佢安排一切。」陳慎芝稱稍後將擔任證婚人,問到基哥現在健康情況?陳慎芝說:「有進展,頭腦清醒,但身體好弱。」

得知基哥結婚,「田雞」田啟文亦送上祝福:「咁開心!真係要值得恭喜,祝佢身體健康!百年好合!永結同心!」