雅虎香港新聞 譚詠麟黐巨 賣口乖認粉絲 家燕姐送抱頂親張智霖
【星島日報報道】《薛家燕愛你無限60年演唱會2018》前晚於紅館演出尾場，表演嘉賓陣容強勁，家燕姐男友都有捧場，更有跟她握手，看到她三名子女上台獻唱，男友都感動到喊。對於被催婚，家燕姐則坦言：「咁 年紀結乜婚呀！」文：鄺芷瑩
圖：譚志光
家燕姐個唱前晚尾場吸引到陳敏之、徐小鳳、劉松仁、羅霖、邵音音及樂易玲等入場欣賞。嘉賓方面相當強勁，包括有張智霖（ChiLam）、譚詠麟（校長）、草蜢、羅家良、鄭欣宜及七公主其中四位的陳寶珠、王愛明、馮素波與沈芝華等。張智霖以角色初哥哥的打扮出場，家燕姐大爆ChiLam好錫她，有次一起到馬來西亞登台，對方出錢請她吃價值6千多元的魚。她說：「我咁大個女都未食過咁滑的魚，仲滑過我 肉。」ChiLam則謂今次以初哥哥身分出來，要送個擁抱給家燕姐。家燕說：「攬完有 暈陀陀。」ChiLam搞笑謂：「我直情缺氧，又有 頂親」。家燕姐唱多首向天王級歌手致敬歌曲後，她特意多謝小鳳姐。她說：「佢問我係咪有跳舞？但佢話唔跳舞，因為好索氣。我好開心佢特登來支持，仲畀好多意見我。」
草蜢視為家姐
最爆笑譚校長笑笑口話可以畀佢嗌得做前輩，現時仲屹立 舞台上 人寥寥可數，所以嗌家燕姐嗌得好順口，又謂在60年代睇黑白電視已經睇家燕姐，並自認係粉絲。其後從袋中拎粒 出來黐在額頭。他說：「呢粒 如有神助，並唔係等閒之輩，今時今日仲可以有激光放射出 ！我粒 就黐上去，你粒 應該有根。」家燕姐笑言自己粒 有毛。
Encore時，草蜢三子蔡一傑、蔡一智及蘇志威與家燕姐唱《忘情森巴舞》後，蔡一智笑言覺得家燕姐似家人，因弟弟蔡一傑額頭都有粒細 ，見到家燕姐好似家姐，最後家燕姐唱出《皆大歡喜》為個唱劃上句號。
跳舞多過城城
家燕姐在慶功時受訪，表示完成個唱鬆一口氣，但心情興奮，今次個唱籌備了半年，初時好大壓力，因為要唱十幾首歌又排好多舞，就連排舞師Sunny Wong話她跳舞多過郭富城，不過要記歌又記舞步，最擔心自己唔夠魄力。她說：「一首歌只得分幾鐘時間換衫，所以跟自己講要做到最好。每日都練歌跳舞，做好自己想做的事。我覺得做到呢個演唱會係我畢生難忘的事，見到親戚朋友對自己的支持，團隊亦好專業同好大付出。」她直言長女珊珊為今次個唱做統籌搞到入院，當三子女上台獻唱，令她忍不住落淚，當中播放的片段是子女找資料製作，覺得好有心思，加上在演藝界60年獲得大家支持同愛錫，認為人生無求，感覺好快樂同安慰。
男友感動到喊
問到男友可有入場睇騷，家燕姐表現得含羞答答說：「應該有，人 睇唔到就算啦！（陳寶珠指未見過你男友！）無呀！在後台時都無見過，因為我在後台好忙，無辦法照顧佢，怕會影響我心情。」她笑言會作安排帶男友見「七公主」。問到明年可會成事？家燕姐一度會錯意說：「無咁快！仲以為你 話結婚。（蕭芳芳向你催婚喎。）唔好啦！馮素波都話今年忙到不得了，娶完新抱又開演唱會，所以遲 先啦！等我個女結婚先啦。（長女珊珊結婚後到你？）搞掂珊珊先啦！」提到個唱歌衫密實，問到是否為男友收起性感？家燕姐解釋好多跳舞動作，所以要有矜持，但男友睇到她的子女上台獻環節都話有喊，覺得好感動，也擔心她太辛苦，又透露舉行演唱會時男友有跟她握手，並坐在第一行，稍後也會與男友及家人到日本旅行。她說：「坦白講我唔會結婚，咁 年紀結乜婚呀！唔好要人唔安樂，要對人有交代。（與男友有共識不結婚？）好似蕭芳芳話我 有『景轟』，唔係滾。（清純愛情？）係囉！」
■阿倫黐巨 扮家燕姐。
■家燕姐話要等大女結婚後先再諗自己的人身大事。
■家燕姐與張智霖因《十月初五的月光》結緣。
■「初哥哥」攬攬家燕姐後笑稱被頂親。
■小鳳姐被爆怕索氣所以唔願跳舞。
■家燕姐表示稍後會帶男友見寶珠姐等好姐妹。
■草蜢與家燕姐合唱《忘情森巴舞》。
娛樂
睇更多
是日精選
