57歲溫碧霞分享三點式泳衣福利圖 其中一張錯覺以為全裸 網民：可以優雅地老去嗎？

有「最美妲己」之稱嘅57歲溫碧霞（Irene）搞作多多，其自家服裝品牌Irenena網店去年正式面世，以及自傳式電影《我們的十八歲》入圍即將於4月舉行嘅沖繩電影展。溫碧霞積極發展個人興趣與事業之際，亦不忘裝扮自己，不時著上唔同嘅靚衫打卡影相，並將靚相分享至社交網站等網民分享。近日佢又上載著上三點式泳衣嘅福利照，無論外貌定係身材都好似食咗防腐劑一樣，被唔少網民激讚係凍齡女神。

近日溫碧霞喺社交網站上載多張著上三點式泳衣嘅福利照，留有一把長長頭髮嘅佢，擺出唔同嘅甫士，其中一張因為頭髮關係，令人以為佢係全裸拍照嘅錯覺。靚相出街後，隨即引起網民留意，並留言大讚佢保養得好好，更大讚佢有自信：「佢好有自信，比個叻佢」、「好正 要每日都好努力先做到」、「57歲都keep到咁仲想點？」及「57歲拍勇氣可嘉」；不過同時亦有網民認為佢應該接受年齡嘅事實，留言話：「以前見到會噴血 現在就嘔血」、「好心啦，仲要扮少女，你唔厭人哋都厭啦」、「60都嚟，自重一下啦」、「唔通以為自己仲係十五歲？」、「我幼稚園時，佢已經係咁嘅造型 而家我個仔都讀緊幼稚園...」、「仲以為好後生咩」、「可以優雅地老去嗎？」、「有自信係好…不過，有自知之明會比較現實啲」及「嘩…… 唔駛客氣囉，小心冷親啊」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！