麥明詩Kayan9896對戰Heidi及Aka 時裝界新寵兒被批外貌最普通

日前，YouTuber Ming仔新studio「不正常研究所」開張，唔少網絡紅人、藝人都現身出席開幕派對，包括麥明詩、盛勁為、李靜儀（Heidi）、趙慧珊（Aka）、Kayan9896（吳家忻）、霍哥、嘉盈及白兵等人，Ming仔於社交平台表示嚟得嘅都係佢好欣賞、好想認識同埋好想向對方學習嘅人。其中，麥明詩、Kayan9896、Heidi、Aka一張合照引起關注，有網民更於討論區以「港女世紀對決！mmc9896 vs HeidiAka」為題出PO將4女作比較，結果一面倒，更被指Level唔同。

麥明詩、Kayan9896、Heidi、Aka雖然年齡及風格各有不同，但都係近年嘅女神及廣告寵兒，因此網民將佢哋分開兩組拎嚟比較，分別為麥明詩、Kayan9896及Heidi、Aka。網民一面倒支持Heidi同Aka呢組，指樓主將4女咁樣分組並唔公平，認為如果係Heidi同Aka鬥，實力會較平均：「其實對決啲咩？啲組合又奇奇怪怪，定想曲線暗示Heidi 一個頂3個」、「Mmc都係普通鄰家feel，搭埋9896已經低過平均分，Heidi 9896對mmc aka就話有得比下姐」、「直情叫處刑啦」等等。

網民們更加大讚Heidi，認為佢拉高晒水平，無得輸：「Heidi一個頂三個喎，邊有得比」、「你出到Heidi，咁無得鬥喎」、「Heidi淨係對腳都夠贏」、「一個Heidi都正過晒3個加埋啦」、「Heidi世一」等等。又有唔少網民對Kayan9896外貌作出批評，指佢個樣其實好普通：「kayan睇落老過mmc」、「9896 普通到」、「mk街頭都搵到大把啦，佢喺依四個入邊最普通嗰個」、「講真9896搭邊個果邊都吸引力大減，除非你真係好鍾意另一個非揀不可」、「面又方又短，個鼻又大又唔直，係得對眼靚」、「上唔到大台，好俗，同其他3個冇得比」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！