電影LOL︳賈玲激減50公斤有回報 新片《熱辣滾燙》成內地賀歲檔票房冠軍

香港人放完年假，但係內地仲放緊春節假期，唔少人都會去睇戲娛樂。今年內地賀歲檔電影之中，由賈玲自導自演嘅新片《熱辣滾燙》，以17.67億元人民幣票房，暫時成為春節票房之冠。

本來身形圓碌碌嘅賈玲，收埋自己一年就係為咗激減50公斤，令飾演嘅女拳手角色更有說服力，而家終於有回報，恭喜晒！值得一提係，之前同樣由賈玲自導自演嘅《你好，李煥英》，3年前同樣成為賀歲片王，票房更高達53億元，令賈玲成為全球票房第二高嘅女導演。今次《熱辣滾燙》有望衝破25億元，賈玲睇怕應該會水漲船高，而且成為賀歲片專家！

而另一套新片《飛馳人生2》以15.5億元屈居亞軍，故事以淪為教車師傅嘅過氣賽車手，機緣巧合下有機會再次挑戰拉力賽，但背後泵水嘅老闆似乎另有目的。賀歲檔季軍係國產動畫片《熊出沒·逆轉時空》，暫收9億幾。《熊出沒》系列已經去到第10套作品，前9部累計票房已經超越57億元，絕對係國產IP神話。

近年密密有作品嘅張藝謀，新作《第二十條》暫收7億幾排第四。內地刑法第二十條係關於正當防衛，因此故事都係由此展開，但原來係部喜劇，過年嘛～至於香港代表劉德華嘅新戲《紅毯先生》，5日合共收7千幾萬票房，似乎反應麻麻。

更多電影文章

電影LOL 賀歲睇咩戲︳盜月者／臨時劫案／飯戲攻心2／鴨仔也移民／紅毯先生

電影LOL︳《從前的我們》導演浪漫喜劇新作 美國隊長Chris Evans搭格雷女十足超級英雄片

電影LOL 金像獎2024︳滄海遺珠逐粒數 《命案》林家楝Lokman冇份爭男演員獎好費解

電影LOL︳複製《人工殺姬》票房奇蹟？新片Imaginary魔性熊寶寶打搞細路

電影LOL︳《魔盜王》部署飛起尊尼特普 The Bear黑人女星有望接棒

電影LOL︳許鞍華擔任柏林影展國際評審 評選競賽單元得獎電影

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！