電影LOL︳唔敢搏？媒體人爆料 Marvel擬叫停《Marvel 隊長》《永恆族》《蟻俠》

超級英雄片風潮喺《復仇者聯盟4》登上高峰，Marvel於是雄心勃勃大舉擴張「Marvel宇宙」，劇集電影多多，但係近年條數似乎計唔掂，唔少2億成本大片埋單條數「窄窄地」。

近日荷里活媒體人Daniel Richtman就爆料，話 Marvel已經叫停《永恆族》續集嘅製作準備工作，仲話《Marvel 隊長》同《蟻俠》系列將唔會再有新一套作品！

據報導，《永恆族》本來有計劃拍續集，但係睇返條數，成本2億3千幾萬美元，最後收4億左右，計埋發行等開支，隨時頂多打個和。《Marvel 隊長2》更慘，成本2億多啲總票房都係咁上下，即係好大機會蝕。咁難怪要hold住hold住。

《福布斯》嘅分析認為，Marvel手上仲有幾個大project喺手，《神奇4俠》同fans期待嘅X-Men之外，仲有蜘蛛俠同美國隊長安排緊。假如而家拍套超級英雄片最低消費都2億，《永恆族》等等本身賺錢能力唔太高嘅project，最好都係放埋一邊先，留定子彈嘛。

查實超級英雄劇集都有類似情況，去年推出嘅2億鉅製Secret Invasion口碑麻麻；另一套「變形俠醫表妹」做主角嘅She-Hulk都被女主角踢爆「用咗好多錢搞特效」，而且收視普通，迪士尼同Marvel都好大機會要叫停呢啲作品。

更多電影文章

電影LOL 今期睇咩戲︳出租家人／第151個朋友／音樂傳奇卜馬利：人生愛與夢／歡迎來到駒田蒸餾所

電影LOL︳香港國際影視展預告今年港片陣容 古天樂至少5部在手！

電影LOL︳《哥斯拉-1.0》低成本拎奧斯卡最佳視效 香港未有得睇原因係咁？

關於奧斯卡2024 花絮︳Emma Stone晚裝爆拉鏈因為佢？ John Cena全裸頒獎大曬人魚線

電影LOL 關於奧斯卡｜ViuTV冇播放權 香港觀眾冇得喺電視睇頒獎禮

電影LOL︳三大因素加持 《沙丘瀚戰：第二章》開畫全球狂收逾14億

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！