電影LOL︳《大力水手》傳拍真人版電影 其實香港一早拍過……

荷里活近年不停將經典動漫拍成真人版電影，各大片商都忙於搵IP，今日又傳有經典之作將會拍真人版，就係《大力水手》！

外媒Variety報導，面世95年嘅《大力水手》(Popeye)正在籌拍電影版，而且係大製作級數，並且已經搵到美劇《人在江湖》(Soprano）編劇Michael Caleo埋班。

我諗好多三四十歲嘅80 90後都未必睇過Popeye，可能因為當年電視卡通版係喺亞視播……主角Popeye擔住煙斗手臂又有紋身，有個女友Olive成日被壞人布魯圖捉走（御用人質宣萱前身？），而Popeye必要時就會開罐頭菠菜食，食完就會變得好好揪！早幾年，Supreme等潮牌都有出過印上Popeye漫畫圖案嘅潮物，唔少Gen Z後生因此認識呢個手瓜好粗壯嘅公仔。

話晒都係一代經典，但原來《大力水手》對上一次拍真人版已經係1980年，當時嘅男主角係已故男演員羅賓威廉斯。1980年版《大力水手》電影上畫時都幾多負評，但後來觀眾居然將套戲奉為好cult戲，埋單收入有6千萬美元，以2千萬成本計，絕對有賺。

暫時未知《大力水手》其他班底人選，尤其係Popeye一角搵邊個做。但係有fans自製二次創作版嘅《大力水手》真人版預告片，就想像由The Rock或者 Will Smith演Popeye。前者人氣好印象正面又夠大隻，點會唔夾？至於Will Smith……為老婆衝上台打人，都幾似Popeye會做嘅事呀。

查實《大力水手》都有套「失散兄弟版」真人電影……就係1998年嘅港產片《戇豆豆追女仔》，由梁漢文演疑似Popeye，片中佢要變身唔係食菠菜，而係食海草。至於疑似Olive竟然係黎姿！我好希望拍《大力水手》電影嘅美國片商，睇一睇呢套香港版先開工。

更多電影文章

電影LOL 今期睇咩戲︳出租家人／第151個朋友／音樂傳奇卜馬利：人生愛與夢／歡迎來到駒田蒸餾所

電影LOL︳《周處除三害》被台導演指控抄襲 法院批准可扣押3千萬台幣財產

電影LOL︳《綠野仙蹤》350萬元道具紅鞋失竊奇案 76歲疑犯落網坐住輪椅上庭

電影LOL︳唔敢搏？媒體人爆料 Marvel擬叫停《Marvel 隊長》《永恆族》《蟻俠》

電影LOL︳香港國際影視展預告今年港片陣容 古天樂至少5部在手！

電影LOL︳《哥斯拉-1.0》低成本拎奧斯卡最佳視效 香港未有得睇原因係咁？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！