莫測高深一女生|Kitty Chicha暴瘦至「皮包骨」 疑因第三季有關?
泰國女星Kitty Chicha Amatayakul憑2018年Netflix泰劇《莫測高深一女生》(Girl from Nowhere)嘅Nanno(娜諾)一角於各地走紅,亦被貫以「泰版水原希子」之稱,不過本身身形苗條嘅Kitty Chicha去年底被影到成個人好似暴瘦咗一圈,令粉絲擔心佢嘅健康出問題。早前,Kitty Chicha著上性感透視裝出席2024秋冬巴黎時裝周,將真實身形更加表露於人前。Kitty Chicha於社交平台分享照片,照片中嘅佢近乎「皮包骨」,網民表示就快認唔到佢。
Kitty Chicha現時嘅身形與劇中身材形成強烈對比,唔少網民都留言表示擔憂:「Kitty,你的健康令人擔憂」、「請保持健康!」、「我擔心你出了什麼問題。 如果你能恢復到《莫測高深一女生》第二季時的身材,那就太好了。、「吃點東西,OMG」等等,更有網民認為Kitty Chicha有機會患上厭食症,不過又有網民覺得Kitty Chicha有機會係因為《莫測高深一女生》第三季或接咗一啲品牌廣告而減肥。縱然官方未有證實,但據泰國媒體《Sanook》報導指,Kitty Chicha係為咗新嘅恐怖角色而作準備,包括進行嚴格飲食和鍛煉計劃減肥,表示當完成拍攝完後就會重新增重。有粉絲就喺Kitty Chicha分享嘅活動照中見到,Kitty Chicha與BLACKPINK成員Rosé及其他女藝人歡欣地自拍,先至放心咗啲啲。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!