與導盲犬相伴12載 退役續同住 視障主人：比屋企人更親密｜Yahoo

香港約有近 20 萬名視障人士，佔總人口約 2.7%。本港曾於 1975 年引入兩隻導盲犬 Opal 和 Winta，後來分別因病死亡，直至 2012 年才再度引入導盲犬，並將服務及訓練本地化，目前約 50 隻導盲犬正在服役。

「我細個時候已經開始有病徵。」曾建平接受《Yahoo 新聞》訪問時表示，於大約 11 歲確診患有視網膜色素病變，視力在長大的過程中一直衰退，直到十年前，視力完全喪失，「依家我眼前乜嘢都睇唔到，就係有啲光。」曾建平早於 1996 年在美國接觸到導盲犬之後，已經希望香港引入導盲犬服務。其時曾建平主要使用白手杖協助外出，「當時呢個係唯一嘅選擇，如果要獨立咁出街，唔使人扶你，先會拎手杖。」他於 2012 年成為本港首批導盲犬使用者培訓先導計劃的參加者，當時他 60 多歲，遇上了導盲犬 Deanna。

自從有導盲犬陪伴，曾建平外出更安全，「導盲犬係有智慧嘅，佢同攞枝棍嘅分別係，佢真係會睇到啲障礙，真係會帶你避開啲障礙，過馬路亦都好安全。」他過去用手杖時無法避開頭部或以上的障礙物，「例如裝修棚架、或者好低嘅樹枝都會撞到，但狗嘅 training 係睇到上面嘅嘢，識得避開。」

本港不時發生導盲犬遭歧視的事件，上月就有視障人士帶導盲犬乘港鐵時，遭老翁指罵。曾建平記得，帶 Deanna 外出初期，乘搭港鐵時曾多次被職員查詢，但他有感如今社會對於導盲犬的認知與接納程度已經有所提高。Deanna 陪伴他走遍香港不同的地方，也遊歷過歐、日以及內地等地方。他指在 Deanna 幫助下，出行沒遇上太大問題，主要挑戰只是不太熟路。

2021年，Deanna因年紀老邁及關節退化而退役，由另一隻導盲犬Vinny接替工作，陪伴曾建平外出。退役的Deanna早已是曾建平家庭的一份子，目前仍然由他繼續照顧，與外傭輪流帶牠出外散步，「我一直都無諗過要將佢交畀其他人，關係比屋企人係更親密，因為佢同我24小時都喺埋一齊。」

目前不同地方也有嘗試研發機械導盲犬，曾建平去年曾應香港理工大學職業治療一名學生邀請試用機械狗，「係功課嚟，佢想試吓係咪可以帶到視障人士行路，隻機械狗前面係裝咗一個雷達咁嘅嘢。」試用當天，機械導盲犬帶領曾建平走了一個多小時，「我總體感覺係得嘅，真係無撞到人，無撞到障礙物，完全可以幫我避開所有嘢，行完感覺隻狗係好smart。」

曾建平認為日後視障人士的輔助選擇將會更加多元，「用人工智能去帶視障人士嘅科技我覺得已經喺度，人工智能也好，機械也好，呢個我覺得係一個趨勢。」無論是人工智能的產品、導盲犬、白手杖，曾建平認為都能讓視障人士有多些選擇。